[دبلة لسان العصفور] من مطبخ safa

**safa** · 10-17-2012, 12:25 AM

السلام عليكم
كيف حالكن يا خواتي إن شاء الله تكونوا جميعا بخير.....والله ليكم ولهذا المنتدي الرائع وحشه كبـــــــــــــيرة جدا ....وسامحوني علي تقصيري بعدم الدخول والمشاركة لفترات طويلة لكـــــــن والله لا أخفي عنكم اني كنت مشغولة بالدراسة والإمتحانات ...خاصة هذا العام كان عام مضغوط علينا منهج مرصوص وقراية في الصيف كله بيش يعوضونا بالعام يلي فات عليناالمهم سامحوني طولت عليكم .....اليوم جايبتلكم نوع جديد من العسلة إسمها
(دبلة لسان العصفور)

نبدوا بالمقادير:
3 أكواب دقيق
نص كوب زبدة
نص كوب ماء زهر
رشة ملح
ملعقة فانيليا
ماء بارد على حسب العجن
وعسل بيش تتعسل

الطريقة

نحط الزبدة مع الدقيق بعد ما رشة الملح ونحلطهم مع بعض ...يعني كأنك تبسسي فيهم مش عارفة وصلت او لا وللتسهيل إستخدمي المبشرة

بعدها نضيف ماء الزهر والفانيليا ونعجنهم بالماء البارد لحد ما تكون عندي كورة بهذا الشكل

توا نقسموها كور صغيرات بحجم البيضة ونخلوها ترتاح لمدة نصف ساعة تقريبا

المقدار هذا لو بتستخدمي الكوب الكبير يديرلك 12 كورة تقريباالمهم بعدين نفرد كل كورة علي حدا بعد ما ترتاح بالنشا لو ما عندك نشا تقدري
مريها بالدقيق بس النشا يخليها مقرمشة أكثر

بعد ما تنفرد كويس بالنشابة لين تولي رقيقة زين ناخد نحطوها علي طاوة ساخنة لعدة ثواني (انا إستخدمت طجين البيتزا الكهربائي)ديري بالك انها ما
تيبسش منك أو يتغير لونها

كل ما تنضج حبة نغطيها كويس و نضيف عليها الحبة الي بعدها و هكدابعدين نلفها بدون ما نضغط علي اللفة يعني ارخي يدك وإنتي تلفي

وبعدين بسكين حادة تقصيها بشكل مائل ...كما في الصورة

وبعدين نقليها في زيت ساخن وعزير ...ونخرجها من الزيت الي العسل

وهذا هو الشكــــــــــــــل النهائي لها...تكون مرشوشة بلوز مرحي او سمس

وبالهناء والصحة
نتمني إنكم تجربوها يا بنات وتقولولي رايكم فيها وشكرا شكرا جزيلا لأنكم حليتولي مشكلة الصور

**المصراتيه** · 10-17-2012, 01:02 AM

كيف ماقالولك الغاليات حبيبتهم ومغتربه ولوبا
وياريت يا صفا تكملينا باقي الطريقه لاني من زمان ندور عليها وخاطري انديرهاااااا
بارك الله فيك
ومنظرها يهبل يعطيك الصحه وتسلم يديك

**حبيبتهم** · 10-17-2012, 01:31 AM

السلام عليكم صفاء تسلم ايديك وان شاء الله بالنجاح والتوفيق في دراستك مشكلتك في تنزيل الصور في الموضوع انك تنزلي فيها كمرفقات لو ترفعي الصور علي موقع لرفع الملفات او عمركز المنتدي لرفع الملفات تقدري تنزلي الصور كلها في رد واحد ولكن لو ماتعرفيش تقدري اتديري رد علي نفس موضوعك وتكملي فيه باقي الصور والشرح

**مغتربة 7** · 10-17-2012, 01:53 AM

صفوفة نورتي حبيبتي من جديد اشتقنالك

زي ما قالت الغالية حبيبتهم ياريت حبيبة تحملي الصور

وهذا الموضوع راح يساعدك

http://www.libyan-kitchen.com/kitchen/showthread.php?6914-%CF%DA%E6%C9-%E1%D1%DD%DA-%C7%E1%D5%E6%D1-%DA%E1%EC-%E3%D1%DF%D2-%CA%CD%E3%ED%E1-%C7%E1%E3%E4%CA%CF%EC

**luba** · 10-17-2012, 02:41 AM

ربي يعطيك الصحة طالعة من ايديك كيف العسل
ماشاء الله تبارك الرحمن

نبي نزيدك علي كلام حبيبتهم انك يفضل تاخدي الرابط اللي تظهر فيه الصورة
تحت المشاركه طول بدون مرفق هدا رابط للشرح ما نقصده

http://www.libyan-kitchen.com/kitche...E6%C7%D6%ED%DA

وهدي معلومة مهمه ليك في حاله استخدمتي
مركز تحميل المنتدي علي الرابط التالي

http://www.libyan-kitchen.com/kitche...E3%E4%CA%CF%EC

**أمـ ساره** · 10-17-2012, 10:49 AM

ماشاء الله صفا

دبلة شكلها ايهبل ويجي في الخاطر

ياريت نشوفوا باقي الموضوع

والبنات بارك الله فيهن ما قصروا في التوضيح

**safa** · 10-17-2012, 02:12 PM

المشاركة الأصلية كتبت بواسطة المصراتيه

كيف ماقالولك الغاليات حبيبتهم ومغتربه ولوبا
وياريت يا صفا تكملينا باقي الطريقه لاني من زمان ندور عليها وخاطري انديرهاااااا
بارك الله فيك
ومنظرها يهبل يعطيك الصحه وتسلم يديك

الله يسلمك أوخيتي المصراتية الحمد لله كملت باقي الطريقة إن شاء الله تجربيها
حتي اني من فترة ضقتها في لمة خالتي وعجبتني هلبا وبعدين لقيت طريقتها بالصدفة
يلا ديرها وضوقيهلنا من إيديك الحلوين

**safa** · 10-17-2012, 02:57 PM

المشاركة الأصلية كتبت بواسطة حبيبتهم

السلام عليكم صفاء تسلم ايديك وان شاء الله بالنجاح والتوفيق في دراستك مشكلتك في تنزيل الصور في الموضوع انك تنزلي فيها كمرفقات لو ترفعي الصور علي موقع لرفع الملفات او عمركز المنتدي لرفع الملفات تقدري تنزلي الصور كلها في رد واحد ولكن لو ماتعرفيش تقدري اتديري رد علي نفس موضوعك وتكملي فيه باقي الصور والشرح

وعليكم السلام والرحمة والإكرام ..ربي يخليك وإن شاء الله ما نفقدك وما تحرمينيش من دعواتك يا حبيبتهم^__^

وبارك الله فيك إستفدت منك ومن مغتربة ولوبا إن شاء الله في ميزان حسناتكم يا حبيباتي

**safa** · 10-17-2012, 03:08 PM

المشاركة الأصلية كتبت بواسطة مغتربة 7

صفوفة نورتي حبيبتي من جديد اشتقنالك

زي ما قالت الغالية حبيبتهم ياريت حبيبة تحملي الصور

وهذا الموضوع راح يساعدك

http://www.libyan-kitchen.com/kitchen/showthread.php?6914-%CF%DA%E6%C9-%E1%D1%DD%DA-%C7%E1%D5%E6%D1-%DA%E1%EC-%E3%D1%DF%D2-%CA%CD%E3%ED%E1-%C7%E1%E3%E4%CA%CF%EC