[كعك الفستق]من مطبخ سويت

[sweet nona]

كعك الفستق

كعك سهل وبسيط

كوب زبدة

نص كوب زيت

نص كوب ماء زهر

طرف BB



دقيق لين تتماسك العجينة واتكون رطبة هلباا

هكى شكلها






وانخليها ترتاح ربع ساعة

شوية حليب لتلصيق الفستق+حبات فستق



نبرم جزء من قطع العجينة زي الكعك العادى بس بتكون صغيرة مش كبيرة

وان شاءالله يكون منظرها واضح عندكم



بعد انكمل لف الكعكات ناخد بحبة فستق نغطسها فى شوية حليب

باش تثبت وماتطيح..بس شوية ماتخليشيي يسيح عالكعك

باش مايخرب المنظر بعد مايطيب




نعسله

المقدار: 3اكواب سكر +كوب ونص ماء وقطرات من عصير الليمون وتكون خفيفة

ونرشها بالفستق المرحي

ونقدمها مع القهوة



وهادا كان نوع من الحلو الى جهزته أمس لعيد الآضحى المبارك

يارب يعجبكم




***وكل عام وانتم بخير***

[om_adnan]

وعليك السلام سويت...يا احلى عسل..كل عام وانتى بخير,كعك يأخذ العقل ,سلم ايديك.
نهدى لك هالغنوه ...ندعيلك ودعاي عليك...عام جديد....
......تعاني في حولي غاليك...

[المصراتيه]

بناخد 3 طريفات ضوقه طبعا
ماشاءالله لا قوه الا بالله
طريقتها ساهله ومنظره يهببببل
عجبنييي وقوليلي عادي انديره باللوز؟؟
يعطيك الصحه وتسلم يدياتك
وان شاءالله كل عام وانتم بخير
تم التقيـــــــــــم

[سعيدة]

ما شاء الله

شكلها ايزهف

جاري التطبيق

ويسلم ايدياتك

[أمـ ساره]

ماشاء الله لاقوة الا بالله

كعك ايهبل ومنظره مش عادي

للحفظ والتطبيق ان شاء الله

وتستاهلي أحلى تقييييم

[sweet nona]

ام عدنان ههه هى ماتخليناش نقلبوها الصفحة صفيق وعرس توا ههه

شكراا

ميمى الحلوة اكيدة انتى وذوقك فى اختيارك للمكسرات بس نكهة الفستف مختلفة شوي

سعيدة وام سارة مشكورات وجربوه وان شالله يعجبكم

نورتو موضوعى وشكراا لتقييمكم

[المصراتيه]

ماشاءالله مش ناسيه ولا كعكه بلا فسدق
قبل ابنعطيها لي لوبا
ههههههههه

[ترهونيه حره]

ماشاء الله كعك راااائع
تسلم الايادى جااااارى التقييم

[الصابرة]

تسلم الايادي
ماشاءالله كيعكات يجن في الخاطر
يعطيك الف صحة وعافية
خسارة التقييم مش حيمشي لاني من شوي قيمتك لكن
التقيييم للموضوع اكيد

[sweet nona]

ترهونية حرة والصابرة شكراا لردودكم نورتو موضوعى

و