[مشاركة في مسابقة أطباقنا في عيد الأضحى] العصبان من مطبخ أمـ ساره

**أمـ ساره** · 10-29-2012, 09:38 AM

السلام عليكم ورحمة الله وبركاته

هذا العصبان ليه مدة طويلة بصراحة وما كتب ربي انزله

وتوا وقته في العيد

طبعاً درناه في بيت أهلي ويوم الي نديروا عصبان معناها زردة عندنا

يكون هو الغذاء بس ووممكن لو يفضل شوي من الحشو نطيبوه وناكلوه معاه

المقادير

بصل أخضر

معدنوس أخضر

شبت

حبق

كسبر أخضر

نعناع أخضر لو متوفر أو جاف

لحم خروف مقطع صغير نوعاً ما

( كبدة - قلب - رئة ) لو متوفرة وموجودة

قطعة شحم معتبرة مقطعة صغير

التوابل

ملح - فلفل أحمر - كركم (بزار) - قليل من القرفة - حرارات

طماطم معجون

زيت زيتون

أرز مغسول

وطبعا مصارين

وهنا فيه نوعين مصارين خروف وجمل

الطريقة

بعد تنظيف المصارين وغسلها بالليم كويس تكون جاهزة

نخلط مقادير الحشوة مع بعض ونضيف التوابل حسب الرغبة

ونبدأ في حشو المصارين

هي مدوا ايديكم يا حلوات وابدوا

ونحطهم في الكسكاس طبعاً هنا حطنا مصارين الجمل تحت وفوقها الخروف

لأن الخروف ينضج بسرعه

وتكون طبعا طنجرة الماء على النار مع نصف ليمونة

ولزيادة النكهة ممكن اضيفي التوابل للماء

ونخليه فوق النار لحتى ينضج من ساعة الا ربع الى ساعة تقريباً

ولمن يحبه محمر ممكن يوضع في الفرن تحت الشواية

وهي اتفضلوا

هنا حطيناه في السفرة حتى يبرد

وطبعا الصبر وينه لازم من الذوقة

ملاحظة

طريقة التطيب فوق الكسكاس تحتاج لإضافة توابل أكثر شوي

من التطيب في المرقة

وان شاء الله يعجبكم عصبان بيت أهلي

وحلاوة العصبان في اللمة بصراحة

وكل عام وانتم بخير والعادين فايزين

**المصراتيه** · 10-29-2012, 12:34 PM

ماشاءالله لا قوه الا بالله
باهي الا اليوم درت عصبان كم هدا اشبح شن صار فيا توا
يعطيك الصحه وربي يدوم اللمه انتي واهلك يارب
وكل عام وانتم بخير
تم التقيـــــــــــم لاحلي عصيبين

**sweet nona** · 10-29-2012, 03:21 PM

مممممممممم

عصبانات يسهفو تسلم ايديك ام سرووو

وصح قطعة الشحم المعتبرة ههه تعطى بنة اكتر للحشو

وان شاءالله ديما بيتكم عامر

تم التقييم

**نسيبة** · 10-29-2012, 05:41 PM

**الصابرة** · 10-29-2012, 06:11 PM

عصبانات يسهفو تسلم ايديك ام سارة
وربي يحفظلك لمتك باهلك يارب

**luba** · 11-01-2012, 02:16 AM

ماشاء الله ربي يدوم اللمه بخير وصحة
روووعه حاجه تخلي الواحد فاتح فمه
دكرتيني بجو اهلي
يهبل ايجنن ايمخول اعشقه عشقا
لدرجة حتي الرقيق جدا مانرمي فيه
ربي يعطيكم الكل الصحة وتسلم ايديكن يافالحات
تم التقييم للعيله الكل
وللموضوع

**دانية** · 11-01-2012, 04:35 PM

ايهبل العصبان .. سلم ايديك وان شاء ديما ملمومين زايدين مانكم ناقصين ..

**بنت حواء** · 11-04-2012, 10:27 AM

ماشاء الله عصبان يااااااااااااخذ العقل
وكميته ماشاء الله زردة حق ان شاء الله ديما ملتمين ومتونسين
سلم يدياتك وصحة وهنا على قلوبكم
ولك أحلى نجوووووووووووم

**luba** · 09-22-2014, 08:57 PM

للرفع

الموضوع: [مشاركة في مسابقة أطباقنا في عيد الأضحى] العصبان من مطبخ أمـ ساره

أدوات الموضوع

عرض

[مشاركة في مسابقة أطباقنا في عيد الأضحى] العصبان من مطبخ أمـ ساره

معلومات الموضوع

الأعضاء الذين يشاهدون هذا الموضوع

المفضلات

المفضلات

ضوابط المشاركة