[مشاركة في مسابقة أطباقنا في عيد الأضحى] العصبان من مطبخ سويت نونا

**sweet nona** · 10-30-2012, 09:06 PM

كيفكم ياحلوات

مشاركتى فى أطباق عيد الآضحى المبارك

عصبانات العيد

نبدا بتقطيع اللحم الى مانحبش تقطيعه

هههههه

والبصل الاخضر وشوي قطع شحم ايجى ألذ

مش قتلك ياأم سارة ههه

ووازيت الخضرة الرقيقة زي مانقوللها احنى الليبين

من كسبر ومعدنوس وشبت

وفلفل اخضر حار

والصلصة

(معجون طماطم+كركم+كروية+شطة+فلفل اكحل+حبهان+ملح+كسبر+زيت زيتون+نعناع جاف)

وخلطتهم مع الرز وبديت فى حشو المصارين

وفى طنجرة مليانة مية وفيها ملعقة ملح نحط العصبانات بعد تصكيرهم

بعود الاسنان

او الخياطة بالسلك او حتى اسياخ اللوح لو ماعندك

والمقادير حسب الخضرة الى عندك او كمية الحشوة الى تبيها

وقعد حوالى ساعة

وبعدها صفيته وشوية حمرته فى الكوشة

وقدمته مع الرز الى طيبته من مية العصبان

وهاد الصحن لآول رد عالموضوع

**مغتربة 7** · 10-30-2012, 09:23 PM

حصتي وخديتها مشكورة ياسوسو

يمييييييييييييييييييييييي
بسم الله ماشاء الله عصباااااااااااان يهبل وايجي فى الخاطر
والرز منظره ياخد العقل الحق صونية جت فى وقتها
الله يسلم الايادييارب
اني الكروية والحبهان وحتي الكسبر الجاف ما نحطش فيهم
ان شاء الله انجرب انحطهم
والكبدة تحطي فيها ولا لا؟؟؟
مشاركة رائعة وتستحق التقيييييييييييييييم

**مغتربة 7** · 10-30-2012, 09:30 PM

خسارة التقييم مابش يمشي بس الموضوع تم التقييييييم

**أمـ ساره** · 10-30-2012, 10:19 PM

ماشاء الله عصبانات يجو في الخاطر

وخاصة التحمير مش عادي

وأهم شيء طريف الشحمة يا سويت قبل حتى الكبدة والكلوة والرئة

غروبة اعطيني شوي من صونيتك ذوقة بس

حتى اني ما ندير فيهم الكروية والكسبر لكن النعناع الجاف يجي قنين فيه

سلمت ايدياتك سويت وبالهني والعافية

تم التقييم لك وللموضوع الحلو والدسم

**رميساء** · 10-30-2012, 11:49 PM

السلام عليكم
بارك الله فيك ياشطوووووووورة
بالهناء والعافية عليكم
جاري التقييم

**المصراتيه** · 10-31-2012, 12:15 AM

باهي قصدك اول واحد رد ياخد والباقين يقعدو يتفرجو بعيونهم وخلاص

امالا اني خديته من الكوشه

ماشاءالله لا قوه الا بالله

اه يا قلبي يهبببببببببل

يعطيك الصحه والرز ماشاءالله حتي هوا يسهف

تسلم يدياتك واحلي تقيـم لاحلي عصييبين

وهدي حصتي

**الصابرة** · 10-31-2012, 03:29 AM

ماشاءالله
عصبان مش عادي
وصحيحة لي غروبة( اللي سبق كلي النبق )هههههههههه
طبعا اني ماناكلش غير في المصارين الرقاق
وانتي مش دايرتيهن فصحيحة علي كلاه
اني نبي الارز بس

**luba** · 10-31-2012, 04:42 AM

ماشاء الله يختلف عصباني عنك شوية مش هلبه
تو بنزله ان شاء الله
كله علي بعضه يهببببل ويقول تعالولي عبر البحار والمحيطات
جايينك افتحي الباب
ربي يعطيكم الصحة حلوة حركة الرز
تم التقييم ليك وللموضوع السممممممح

**نسيبة** · 11-02-2012, 04:58 PM

بارك الله فيك يعطيك الصحة احلى نجوم حبوبة

**بنت حواء** · 11-04-2012, 10:32 AM

وهذا الصحن لثامن رد ههههههههههه

ماشاء الله طبق رااااااااااااااائع
نموت في رز المرقة يجننننننننننننننن
وعصبانك ياااااااااااااخذ الغقل
سلم يدياتك وصحة وهنا على قلبك
ولك أحلى نجوووووووووم

الموضوع: [مشاركة في مسابقة أطباقنا في عيد الأضحى] العصبان من مطبخ سويت نونا

أدوات الموضوع

عرض

[مشاركة في مسابقة أطباقنا في عيد الأضحى] العصبان من مطبخ سويت نونا

معلومات الموضوع

الأعضاء الذين يشاهدون هذا الموضوع

المفضلات

المفضلات

ضوابط المشاركة