[ عاداتي في العيد شاركونا عاداتكم ] عيدنا الاضحي في الغربة من لوبا

**luba** · 10-31-2012, 04:19 AM

السلام عليكم ورحمة الله
كل عام وانتم بخير
عاداتي في العيد في الغربه

لازم في العيد يحضرني نوع او نوعين من الحلويات
وهد العيد درت اكليوة بس
عاداتي في الخارج تختلف عن عاداتي في ليبيا
لانه هني بروحي ويادوب نكمل عمل الاضحية من الصبح حتي الليل
والطقس يلعب دور مهم معاي
ومفاجأة هدي العيد انه دبحنا اتنين من الخرفان

اليوم الاول جري وبس في جرت الاضاحي ومعاها شوايه بس في الطاجين
كان الطقس باااارد جدااااا مطر ماتوقفش وحرارة 4 درجات
وغسلت البطون برة تحت المطر والسميطري
ودرت معاهم قديد ولحم العصبان والشواء لباقي الايام

تاني يوم انطيب البازين وهدي عاداتنا في ليبيا في اول يوم يتغدوا الاقارب الكل مع بعضهم
وهدي العادة سواء في بيت اهلي او بيت اهل زوجي زي بعضهم وهني عشان بروحي
وماعندي جهد اول يوم فدرته تاني يوم

وننشر القديد في تاني يوم

وتالت يوم شوينا بره علي الفحم وفهمنا ولدي علي العيد وخدي عطله
مني مايمشي للمدرسه عندنا عيد وحضر دبح الخرفان

ومع الشواء درت فطاحة وجتني تهبل
طبعا 2 كوب دقيق ورشه ملح وملعقة صغيرة خميره
وريحتها شوية ورميتها علي طاجين الشواية الكهربائيه بعد قلبته علي الجهه التانيه
ودرت معاها سلاطه مشوية ولحم خروف ودجاج

هدي اخر فطاحتين صورت بعد ماتمينا اكل جري في جرت بعضه هههه

كلينا وربي يديمها نعمه ويحفظها من الزوال ولله الحمد

ضمينا وغسلنا وفي اخرها بخرنا بالبخور اللي يحضرني في كل مكان
بره الحوش وداخله

وهدا الكوينين اللي هربته معاي عبر الحدود هههه
وهدي طريقتي في تطفايت الفحمه بيش نستعملها تاني

وكل عام وانتم بخير

اما اهلي شواء وسلاطه مشويه وحلويات حاجة اواتنين لانه في الغالب يدبحوا 3 او اتنين
مافيش وقت لي شي غيرهم
ومن العام للعام واكتب لي ليبيا تكون ديما علي بر الامان ياااارب

**الصابرة** · 10-31-2012, 06:12 AM

ااااااااااااامين يارب
وماشاءالله يالوبا عادات حلوة
وان شاءالله ربي يساعدك والله تعب بروحك
وجو صقع بكل لو كان اني يلقوني مومياء من الصقع
ربي يونسك بصغارك وراجلك يارب

**sweet nona** · 10-31-2012, 02:27 PM

فعلا كل واحد بعادته

تو احنى البازين مستحيل انديروه فى ايام العيد

بس اكيدة فى العيد الكبيرة نوع او 2 لانه عيد لحم اكتر حتى الضيوف بعد ايجو

بضوقيهم من اللحم

وماشالله عليك حتى فى امريكا امدايرة كل شي

كل عام وانتى بخير وربى يدوم نعمه على كل المستلمين

نورتى

**مغتربة 7** · 10-31-2012, 03:29 PM

ماشاء الله عليك يالوبا
يهببببببببببل عيدك ربي يعطيك الصحة
وجعتيني فى الصقع تنظفي
ما نقصتي شي ويهبل الكانون
ان شاء الله كل عام وانتم بالف خير
موضوع رائع ويستحق التقييييييم

**مغتربة 7** · 10-31-2012, 03:30 PM

ما باش يمشي التقييم لي عودة ان شاء الله

**أمـ ساره** · 10-31-2012, 11:32 PM

ماشاء الله عليك لوبا وعلى جو العيد عندك

ربي يهنيكم يارب ويفرحكم حلو الجو الي مدايرتيه

خاصة مع البخور والكانون ما احلاه مش عادي

موضوع مميز حبيبة وربي يرجعك لبلادك بخير وعافية

وتعيدي مع أهلك وأحبابك يا رب

**رميساء** · 11-01-2012, 12:24 AM

السلام عليكم
عيدك مبارك وتقبل الله منا ومنكم
بالهناء والعافية عليكم الشواء وخبزة الفطاحة
وربي يُحفظلك سفيان
والبازين باللحم الخروف ِعز الأكل
ماشاء الله عليك
جاري التقييم

**luba** · 11-01-2012, 01:29 AM

بارك الله فيكم بنات علي المرور الرائع
وربي يقرب كل بعيد وصحيتوا علي الدعوات والكلام الزين

رميساء كيف عرفتي انه عندي سفيان
شكرا لكل من مرت وقيمت وعلقت وشاهدت مشكوووورات يا حبوبات