[اصابع البكلاوة] من مطبخ المصراتيه

[المصراتيه]

المكونـــات:

عجينه بكلاوة جاهزه
نص كوب زبدة او سمن
نص كوب زيت


الحشـــو:

3 كوب لوز مقشر ومطحون خشن
نص كوب سكر ناعم
ربع ملعقه صغيره قرفه


القطر " العسل " :

2 كوب سكر
كوب ونص ماء
نص ليمونه
قطرات ماء الورد

الطريقـــه:

يخلط اللوز او اي نوع من المكسرات مع السكر والقرفه




تقرد العجينه بالكامل علي الطاوله




تدهن الورقه العليا بخليط الزبده والزيت تم يرش عليها المكسرات
توضع العصاء في بدايه العجينه وتلف الي النهايه







تم تدهن الورقه التانيه بالخليط الزبده وتوضع العصاء الملفوفه بالورقه الاولي في بدايه التانيه وتلف







تسحب البكلاوه من الطرفين الي الداخل وان شاءالله تكون الصوره واضحه




يدهن الطاجين بالسمن وتسحب البكلاوة من جهه واحده لوضعها في الطاجين




وهكدا الي نهايه العجينه
تدهن اصابع البكلاوه بالسمن المتبقي وتدخل الفرن




تخرج من الفرن وتسقي بالعسل البارد




تم تقطع الي اصابع كما في الصوره ويمكن رشها بالفسدق




توضع في اوراق الحلويات وتقدم









وصحتيــــن

[أمـ ساره]

يا صباح البكلاوة اللذيذة

ماشاء الله مصراتيه بكلاوة شكلها مش عادي

سلمت ايدياتك الحلوة على الطريقة السريعة

بالهني والعافية على قلوبكم

للأسف التقييم ما يبي يمشي لكن تستاهلي كل النجوم

[غصون الورد]

يا صباح البكلاوة اللي تجنن

تسلم الايادي روعة روعة روعة

[حبيبتهم]

ما.شاء الله عليك ميمي بكلاوة مش عادية
تعرفي سفهتيني عليها عندي جلاش الفترة الجاية انديرها ان شاء الله
تسلم ايديك ولك احلى تقييم
وهذي حصتي مادخلنيش فيكن

[أم لينه]

تسلم الأيادي بكلاوة ولا أروع

[ترهونيه حره]

تسلم الايادى احلى نجماااااااااااات

[نسمه ليبيه]

يسلموا بكلاوة ولا الذ

[luba]

ماشاء الله تهبل تجنن اتمخول ربي يعطيك الصحه

ابداع وسهوله وبساطة في الشرح

وربي يسلمك وينجيك ياخطيرة ياميمي

حنقعد نحلم بيها لين نحصل الجلاش

جاري التقييم

[مغتربة 7]

مااااااااااشاء الله تبارك الرحمن عليك ياميمي
بكلاوة تهببببببببببببببببل وطريقتك تختلف شوية على طريقتي
العصا جديدة عليا الحق
فكرة غير عادية تطلع فيها تكرميش يجنن
جاري التطبيق ان شاء الله
تسلم الايادي الى تلتف بالحرير
تم التقيييييييييييم من بكري

[الصابرة]

ماشاءالله تبارك الرحمن ولا قوة الا بالله
تهبل ياميمي
سلم دياتك ويعطيك الصحة يا ام الافكار فكرة التكرميش حلوة
اني اندير فيها بس بطريقة عش الغراب لكن هكي فكرة روعة
اكيد اول مانحصل ورق جلاش نديرها طول
احلى نجوم تستاهلين لو مشو واحلى تقييم للموضوع