أرجو المساعدة في أنواع السلطات

[مشتاقة للجنة]

السلام عليكم ورحمة الله وبركاته
كل عام وأنتم بخير
كيف حالكم جميعا
عندي إستفسار ياريت تساعدوني
عن أنواع السلطات اللي تقدم بجانب الأرز الأبيض واللي عندها أنواع سلطات جديدة ياريت تقولي
وخاصة السلطات اللي تقدم في المناسبات
زي سلطة الباذنجان المقلي مع المكسرات وسلطات بالذرة
وياريت لو كل وحدة تكتب شن هما الطواجين اللي تعرفهم زي طاجين الجبن وغيره وشن هي الأكلات الجديدة اللي تقدم في المناسبات والعزائم
ياريت تساعدوني عندي عزومة عشاء يوم رجالة بروحهم ويوم نساوين
نبيكم تساعدوني في كل شي يخص العزومة من التحضيرات إلى طريقة التقديم الحلو والحار والمشروبات الباردة والساخنة والشكلاطة ومتى تقدم وكيف تقدم
سامحوني طولت عليكم

[مشتاقة للجنة]

اسعفوني يا أخواتي العزومة بعد غدوة

[ام ساره وعبدالعزيز]

حبيبتى تجولى في المنتدى وانتى تلاقي طلبك

[مغتربة 7]

وعليكم والسلام ورحمة الله وبركاته

اختي مشتاقة ركن المقبلات الليبية والعالمية ملياااااااااااان سلطات الى تبيهم

وهذا موضوع سويت يمكن يساعدك

http://www.libyan-kitchen.com/kitche...E6%ED%CA/page2

[الصابرة]

اختي
شوفي ركن المسابقات
تلقي فيه حصاد لجميع المسابقات وهنا متنوعات سوف يساعدنك كثيرا
تلقي فيه افضل السلاطات والمعجنات ومسابقة للارز والحلويات

[مشتاقة للجنة]

وينكم يا أخواتي
بالله عليكم ماتخلونيش بروحي حايسة وأعطوني رأيكم في كل شي طلبته منكن نستنى في ردودكم الحلوة

[مشتاقة للجنة]

شكرا لكل من رد علي وبارك الله فيكم
أم سارة وعبدالعزيز
مغتربة 7
الصابرة
نورتو صفحتي ربي مايحرمني منكن
وياريت تكملو جميلكم وتعطوني رأيكم في كل شي زي ما طلبت وسامحوني على الإزعاج
وياريت تعطوني طريقة سلطة الباذنجان باللوز

---

على الإزعاج

[مشتاقة للجنة]

وينكم يابنات نستنى فيكم حبيباتي

[مشتاقة للجنة]

هكي معقوووووووووووولة خليتوني برووووحي؟؟؟؟؟؟؟؟؟؟؟؟ نستنى فيكم حبايبي

[om_adnan]

والله يامشتاقة شغلتينى عليك,عزومتك بكرة ومازال ما قررتى,من وجهة نظرى بالنسبه للرجاله خصوصا اذا كانوا كبار فى السن,اهم حاجة طرف لحمة كويسه وكمية الاكل تكون واجدة وحتى نوع واحد سلاطة كافى مع مخللات ولكن النساء ركزى على التشكيل ,قللى الكميه يعنى لو عازمه ١٠ دير حسابك فى الرز ٧ ,مهم طريقة التقديم,التشكيل على حسب المتوفر لديك,حاولى اتدير سلاطتك اليوم,ان شاء الله ربى يسترك وعزومتك اتجى كيف ما تحبى واكثر.