[ عجانة كينوود]من مطبخ فوفا وان

[فوفا وان]

بسم الله الرحمن الرحيم

الحمد لله واخــــــــــــير تحصلت على العجانة اللى من زمان واخذه
عقلى ...والله بعد 7 شهور من الاتصالات بمحل دالتا واخير قال عندى
وبأمس بس قمت بشرائها والحمد لله على ذلك.
وعقبــــال كل من تتمنـــى ان يكون لديه مثل هذه الة فهى فى الحقيقة
رائـــعة بكـــل معنى الكلمة....وهذه صورة له من مطبخــى.....

[مغتربة 7]

بسم الله ماااااااااشاء الله
ان شاء الله تتهني بيها يارب
رهيبة العجانة هذه وتساعد هلبة
ان شاء الله بالزيادة يافوفو


ياريت اتزيدينا صور حبيبة
وبكم شريتيها؟؟

[om_adnan]

ما شاء الله فوفا,ماكينه درجه اولى,رهيبه,تستحق تصبرى لغاية ما اتنوليها وخصوصا للى يستعمل العجانه بكثره تستاهل كل قرش فيها,على حسب ما فهمت من الصوره ,قوتها ١٥٠٠ وات وهذا اكثر من الضعف لبعض العجانات وسعتها ٦ وحاجه ,ومصنوعة من ماده التيتانوم وهى ماده اقوى من السانستيل,الف مبروك وتبيديها بالهنا.

[luba]

ماشاء الله تتهني بيها
وتبيديها بالهنا والصحة
وشكرا لمشاركتك لينا فرحتك بيها
فرحتينا معاك انك خبرتينا شنو في ليبيا الحبيبه
من حاجات حلوة ونقدروا نتحصلوا عليها بدل الكران معانا
وشكر موصول لي ام عدنان الرائعة علي المعلومات الحلوة
اللي ديمه مشاركتها اضيف في نكهه في المواضيع
مانفقدوك ياغاليه

وطبعا نبي نسأل بكم ووين بالضبط محل دلتا
وكيف تحصلتي عليها يعني مشيتي لقيتيها طول
او طلبيه مخصوص ليك وطالبتيها من مده
ولازم مكان المحل وين ماتنسيش يا سموحه يا عسوله
جاري التقييم

[الصابرة]

ان شاءالله بالبركة عليك يارب
وتتهني بيها وفعلا تستاهل الصبر
والاسئلة اللي بنسئلهن سئلتهن لوبا كلها
فياريت تردي على اسئلة لوبا ويكون لك الف جزيل الشكر لاني متمنية اني
املكها عندي
ومشكورة شاركتينا فرحتك

[حبيبتهم]

ماشاء الله تبيديها بالصحة ومبارك عليك ونرجوا في ابداعاتك بيها
واني بنسألك على سعرها

[فوفا وان]

مشكورات اخواتى على التهنيئة
وعقبال ليكم ان شاء الله

محل دلتا لتجهيز المطابخ
يوجد حى دمشق بالقرب من قصور الضيافة
ومطعم الشجــرة .
فى الحقيقة اخى ذهب اليهم مرة واحدة و اخذ كرت المحل
كل اسبوع او اسبوعين يتصل بيهم ويسئل مرة يقولوا مزال ومرة يقولوا وصلت بس هى فى الجمرك
الى ان تم الفرج فى يوم الاثنين 05/11/2012 فى الصباح اتصل اخى بيهم قالوا له موجود عندنا فحجزنا واحد
وفى المساء ذهبت انا واخى وقمنا بيشرائه اما بالنسبة للسعر هو غالى شوى بس الغالى للغالى بــ900.000 د.ل
اما بالنسبة لرقم التليفون فهـــو:ـ ارضـى 0213606231
نقــــال 0912128161 صلاح التونالى
نقــــال 0927333710 عبد الهادى
واتمنى ان اكون قد افدتكم
وشكر جزيل على التهانى

[نسمه ليبيه]

الف مبروك وتتهنى يارب بس فعلا سعرها غالى

[المصراتيه]

ماشاءالله عجانه تهبببببببببببل
تبيديها بالهني يارب وتتهني بيها
ونشوفو منك احلي معجنات منها

[منيرة بن ناجي]

تتهني بيه و الله قداش ليا اندو ر فيه يشكرووووووو فيه هالبا واني قالولي سعره 1500 و قالت مش خصرة فيه
لانه تغني علي هالبا معدات