[ فكرة لتقديم وتزيين العصيدة ] من مطبخ الصابرة

[الصابرة]

السلام عليكم



اليوم جمعة درت الفطور عصيدة وبما اني عندي ضيوف
فحبيت انقدمها بطريقة حلوة وفي نفس الوقت تضيف طعمة حلوة






طبعا قبل ماتبدي في العصيدة تكوني مجهزة مكسرات
محمصة ومرحية ويفضل تكون من المكسرات ذات النكهة القوية
مثل ( البندق / الكاكاوية / الجوز اللوز الخزايني )

بعد ان تشكلي العصيدة تعملي بها حفر على حسب ماتبي
زمان هلبة كنت اندير فيها بطاسة الشاهي اللي نعرفوها
لكن توا الحاجة ام الاختراع درتها بعلبة اعواد الاسنان تدهنيها
بزيت ثم تعملي بها الحفر وتحاولي تمليها بالمكسرات
ثم تزيينها بما ترغبي اني زينتها بالملعقة
طبعا غير الشكل والمكسرات تضيف طعمة على العصيدة مش عادية





هيا مدوا ايديكم ماتتحشموش





تعرفوا هذه الطريقة من زمان انديروا فيها وليا هلبة مادرتهاش
ومش عارفة شنو خطرها عليا اليوم

[زينب محمد]

ماشاء الله عصيدة تسهف

الله يسلم ايديك ويعطيك الصحة والعافية حبيبتي

ممكن تزينيها بطريقة اسهل عن طريق استخدام قوالب السليكون التي على شكل وردة أو دوار الشمس







والقالب الكبير الفردي الذي بشكل هذه الوردة الصغيرة




بان تحطي فيها العصيدة وتضغطيها حتى تأخذ شكل القالب ثم تقلبيها

[آمال]

ماشاااء الله عليك يا صابرة
كم احب ان اتابعك
انا دائما اتابعك بكل شغف
تعجبني

بارك الله فيك على النصائح والاضافات اختنا الغالية زينب

[المصراتيه]

ماشاءالله لا قوه الا بالله
منظرها يسهــــــــف وفكرتها رووووووعه مش عاديه
جديده عليا وتستاهل احلي تقيـــــــــم
يعطيك الصحه وتسلم يدياتك

[الصابرة]

مشكورات وخياتي

اختي زينب اسعدني مرورك والحمدلله انك صرتي احسن
وبالنسبة لفكرة القوالب فعلا فكرة رائعة
لكن خسارة لا املكهن ولكن اذا شريتهن اكيد حنديرها

اختي امال مشكورة على الكلام الرائع وافتقدت لكي كثيرا فلاتعاودي الغياب

اختي المصراتية اسعدني مرورك والحمدلله انك استفدتي من شئ جديد قدمته
وهذا يشجعني ويجعلني اجد في العطاء لمنتداي الغالي

[luba]

ماشاء الله لاحول ولاقوة الا بالله
فكرة رااااائعه وجهد مميز في العطاء
حاجه نايس وسمحه وتو نجربها بعد نتعلم العصيدة

وبارك الله في زينب علي الاضافه الحلوة والرائعه
ويامرحب بيك نور المنتدي بطلتك واضافتك الحمد لله علي سلامتك
ومنكم نستفيد

وتم التقييم لصبورة ومشاركتها الحلوة

[نسمه ليبيه]

مع انى نحب ان العصيده تتقدم بشكلها التقليدى بس اضافة المكسرات اكيد حتكون ليها طعمه رائعه

وحبيت فكرة زينب متاع قوالب السليكون ان شاء الله حنجربها مع اضافة المكسرات

[حبيبتهم]

تسلم ايديك يا صبورة
ولك احلى تقييم

[الصابرة]

لوبا / نسمة ليبية / حبيبتهم
بارك الله فيكن على الكلام الحو واللي مايطلع غير من ناس حلوة كيفكن
ربي مايحرمني منكن يارب

[أم عدى]

شكرا

فكرة حلوة أضافة المكسرات

وأفكار التزين أن شاء الله حتطبق فى أول فرصة