[مشاركة في مسابقة أطباقنا في عيد الأضحى] كباب وأسياخ اللحم من مطبخ أمـ ساره

**أمـ ساره** · 11-14-2012, 08:28 AM

السلام عليكم ورحمة الله وبركاته

مشاركتي المتأخرة في مسابقة أطباق عيدنا كباب وأسياخ اللحم بطريقتي وان شاء الله

تعجبكم بالنسبة للأسياخ سامحوني الصور ناقصة شوي لأني ما لحقت نصور لكن ان شاء الله

الفكرة تكون واضحة نقطع اللحم مكعبات متوسطة يعني ما تكون صغيرة ونتبلها في الملح

والفلفل الأسود وقليل من الزيت وانا اضفت لها توابل جاهزة تابل اللحم المشوي وتابل

الدجاج المشوي وشوية بابريكا (فلفل أحمر حلو)وحوالي ملعقة خل بلسمك أو خل أبيض عادي

حسب المتوفر ونصف ليمونة وخليتها تنتقع أكثر من ساعتين وكل ما طالت المدة كان أفضل

وجهزت معاها شوية خضار فلفل أخضر حلو وبصل ابيض وطماطم أخضر قطعتها مكعبات قريبة من

حجم اللحم ثم جهزت أعواد الخشب بعد ما نقعتها في الماء حوالي ساعة ويفضل أكثر

وحشيت الاسياخ باللحم والخضار ثم شويتها على الفحم

أما الكباب بعد فرم اللحم فرمت معاه بصل أبيض الكمية حسب الرغبة ويمكن الاستغناء عنه

ويفضل استخدام بودرة البصل فيه لأن مية البصل ما تساعد في تشكيل الكباب وفرمت أيضاً

شوية معدنوس وكسبر أخضر

ثم تبيلته بالملح والفلفل الاسود وشوية قرفة أو حرارات حسب المتوفر

وخلطته كويس وخليته في صفاي (كسكاس) حتى تنزل مية البصل منه

ثم شكلته في اعواد الخشب لأن ما كان متوفر عندي الاسياخ الخاصة بالكباب كل سيخ كباب

استخدمت له عودين خشب حتى يمسك كويس وللشواية على طول

وقدمته مع بعض السلطات سلطة مشوية وسلطة باذنجان وسلطة خضراء

سامحوني على الشرح السريع وأي استفسار أنا حاضرة وبالهناء والعافية على قلوبكم

**المصراتيه** · 11-14-2012, 11:08 AM

ماشــــــــــاءالله لا قوه الا بالله
سامحوني هدا خديته ليا كله
يهببببببببل يا ام سرو والكباب حتي هوا مش عادي لكن اني سادني هدا
منظره يسهــــــــــــف
يعطيك الصحه وتسلم يدياتك
احلي نجيمممممممممممممات
وموفقه ان شاءالله

**المصراتيه** · 11-14-2012, 11:10 AM

تبو الحق والله ماقدرت ناخد الاسياخ ونسيب الكباب
هدا غني باللحم ضروري حتي هوا ناخد منه
والفحم منظره محلاه
يميميميميمي
تسلمي وجاري التطبيق وتم التقيــــــــم

**بنت حواء** · 11-15-2012, 09:19 AM

أنا خذيت السفرة كلها ههههههاااااااي يممممممم
ماشااااااااء الله كباب يجننننننننننن
سلم يدياتك ياأم سارة وصحة وهنا على قلبك
لك أحلى نجووووووووم

**sweet nona** · 11-15-2012, 10:22 AM

ماشالله ام سارة ابدااااااااااااااااااااااااااع

ألوان واشكال تفتح النفس

الله يعطيك الصحة والعافية وتسلم الايادى ياغالية جوعتيني عالصبح شن بندير توا نبى منه

ومحلاه مع السلطة المشوية

احلى تقييييم لآروع مشاركة وماننحرمو منك يارب

**luba** · 11-15-2012, 04:23 PM

ماشاء الله ام ساره
ربي يعطيك الصحة ويقومك بالسلامه مش عادية
واحسن شي عارفه العويله هلبه وايداعكوا
مكترة الصواني وهدي صونيتي
وعادي اللي بتاكل معاي يا مرحبيتن مانحب ناكل بروحي الشواء

تم التقييم ليك وللموضوع