[شكشوكة بالقديد ] من مطبخ حبيبتهم

[حبيبتهم]

السلام عليكم





اليوم اول مرة انطيب حاجة بقديد العيد
درت الغدي شكشوكة وهذي طريقتي فيها

المكونات
فصين ثوم مهروسات ناعم
بصلة صغيرة مفرومة ناعم
قرن فلفل ( اني مااستخدمتاش اليوم )
قديد حسب الرغبة
فلفل احمر . بزار . كمون . كسبر
زيت
معجون طماطم ثلت ملعقة كبيرة
حبة طماطم مفرومة ناعم
3 بيضات


الطريقة

نضع زيت في الطنجرة ومعاه الثومة






نقليها شوية ثم نضيف البصل ونخليه الى ان يذبل





ثم نضيف الطماطم المفروم ناعم
ونقلبه الى ان يذبل ثم نضيف القديد





نحط الفلفل الاحمر والبزار والكمون والكسبر ومعجون الطماطم
ونصب عليها ماء ونخليها تغلي الى ان ينضج القديد









بعد نضج القديد وتختر الطبيخة لو خاثرة هلبه انضيف عليها شوية امية
ونخليها تغلي وثم نكسر البيض ونصب كل بيضة في جهة من الطنجرة ومانحركهاش
ونخليها على نار خفيفة الى ان ينضج البيض






بعد نضج البيض نصبها في صحن ونقدمها مع الخبز


تفضلوا














ويارب تعجبكم شكشوكتي

تحياتي

[الصابرة]

ماشاءالله تبارك الرحمن
صحة ماكليتو
شكلها يمي وفيها قديد اكيد بالزايد
تسلم الايادي ويعطيك الصحة
لك تقييمي

[ترهونيه حره]

تسلم الايادى بالصحه والعافيه على قلوبكم

[حبيبتهم]

الصابرة
ترهونية حرة
اهلا بكن يا غاليات نورتن موضوعي بمروركن الحلو

[رميساء]

السلام عليكم
بالصحة والعافية عليكم
بارك الله فيك
جاري التقييم
مشكورة

[luba]

ماشاء الله شكلها مش عادي
قديد ولواوي دسيلي منه لوايتين بس هههه
وتعاليلي بيهم بدل باكو البشكوط
ربي يعطيك الصحه واللي في بالي وبالك
تم التقييم لي احلي شكشوكه
وليك اكيد

[مغتربة 7]

الله الله على الشكشوكة يلى تسسسهف
عيوني طلعوا وحسيت ريحتها وصلتني
تسلم الايادي المبدعة
تستاهلي احلى نجيماااااااااااات

[حبيبتهم]

اهلا بكن اخواتي وتسلمن عالمرور الحلو نورتن موضوعي بكلماتكن الحلوة وتقيماتكن

[هدى محمد]

حرام عليك نمووووت فيهن اللواوى او عصبان الشمس وين بنلقاها توا ومع انك قهرتى معدتي الصغيرة التى لا تحتمل لكن يسلموووووووو ايديك ما شالله عليك

[عنود الصحراء]

مشاء الله تباررررررررررررك الله تسهف ياحبيبه يعطيك الهني وخلاص