[ملف ] شاركينا بتوابلك من بيتك

[luba]

ماشاء الله تعريف وصور من بيوتكم تهبل
بارك الله فيكم وفي مغتربه اللي فتحت لنا دواليبكم وتلاجاتكم
وغرفتونا منهم غرفات من توابلكم القنينات والله فرحت
شكرا ام عدنان علي المعلومات المفيدة
شكرا رميساء علي طرحك الرائع للموضوع والصور
شكرا حبيبتهم وخودي راحتك طولي كيف ماتبي احني المستفيدين من اطالتك

هادي من توابل بيتي ولي تكمله ان شاء الله في حلقة قادمه












هذي صورة للنعناع بعد لقيته في كندا وبنته قنين كيف متاعنا
في ليبيا قلت باك وحدة حاصله كيف حصلتي ادور عليه
لقيته في الديمينيون هداك اللي بدايته حرف دي كبيرة وفية احمر في شعارهم هههه
عرفتوه ؟؟؟؟

[رميساء]

السلام عليكم ورحمة الله وبركاته
أم عدنان : جزاك الله خيراً على المعلومات
حبيبتهم : بارك الله فيك س/ هل ثومه الجافه جاهزة أو محضرتها بنفسك ؟
مغتربة 7 : فيكِ بارك الله جواب سؤال كيس التوابل لاوحته أسِفَ لعدم كتبت المكونات
يستخدم في المحاشي واللحوم والطواجين والحاجات الحارة .
لوبا: بارك الله فيك س/ هل زعتر البري هو زعتر الأخضر (الفلسطيني) ؟
س/ هل فيه إختلاف في الطعم بين الفلفل الاحمر وبابريكا ؟

[مغتربة 7]

ماااااااااااشاء الله يالوبا على توابلك تهبل

حتى اني زي رميساء الزعتر البري اول مرة نعرفه وشكله زي النعناع الجاف

بنسئلك توابلك من ليبيا ولا كندا

ومشكورة على النعناع اني انجيب فيه من ليبيا الحق لكن توا انشوفه هذا


رميساء البابريكا فلفل احمر حلو مش حار اني نستخدم فيه فى البطاطا المشوية فى الفرن وان شاء الله لوبا اتزيد اتفيدك

وام عدنان خبيرة فى التوابل ديمة نسئل فيها

[حبيبتهم]

مساء الخير
لوبا توابلك حلوة ماشاء الله ونراجوا في التكملة في الحلقة القادمة

رميساء الثومة الجافة اللي في الصورة اكيد جاهزة صورتها بالعلبة متاعها لكن مانعرفش هل موجودة في زجاجات او لا لاني خديتها من تونس واللي شفتها هنا قبل يبعوا فيها بالوزن

[أمـ ساره]

ماشاء الله لوبا توابل اتهبل وخاصة الخضراء منها

زي الزعتر البري وورق الغار والنعناع الجاف

أما الكسبر الجاف مش عادي ريحتهم نحسها لعندي



ان شاء الله توابلي انزلها قريب سهفتوني وانتم تعرضوا في توابلكم

والله الوقت مافيه يستر الله وخلاص

[luba]

بنات بارك الله فيكم

بالنسبة للزعتر البري شريته من اهني ومنعرفش بنته الفلسطيني
لكن نلقي فيه ديمة يبيعوا فيه بجانب السمك خديته ومانعرف شنو
روحت ترجمته لقيته الزعتر البري
واني نحط فيه علي السمك زيهم هدا ماجربته وقنين

وبالنسبه للببريكا نستعمل فيها اولا لزيادة اللون
وتانيا نخلط فيها مع الفلفل الحار لانه اللي لقيته اهني لونه باهت
وحار هلبه هلبه وخصوصا علي الصغار
وشكرا مغتربه علي الاضافة نفس الاستعمال في بطاطا الفرن
مع ريحان الاخضر المجفف والاكليل والزعتر

وتوابلي من كندا اغلبها ماعدا تابل الدجاج الهندي من ليبيا
والكمون والكراوية والزعتر المطحون هدا ريحته نفادة قوية
ورااائع في الاكل
وبالنسبة لي الكسبر المجفف تحت المدفأة والنعناع مرة جففته تحت المدفأة
افضل النتيجه وبنته وصنته احلي من الفرن

اسئلة لي ام عدنان

مرة بعتتلي صديقة كندية سمك مرشوش فوقة
حبوب صغيرات هلبه هلبه بس مش مطحونات حبوب
لونهم حسيتهم فيهم الاسود مع الابيض يشبه لون الملح الخشن الابيض
وحسيت بنته كيف الكمون
فياريت لو تعرفي تخبريني
ام عدنان اراجو في توابلك وخاصه اني ضرووووري
نمشي انلف نرفع وانزل وانروح ومرات نترجم ومايطلع معاي شي
في المترجم ومرات نشري ونرمي بالله ساعدينا في هالموضوع
سمكهم اللي يطيبوا فيه روووعه بس شنو فوقه مش عارفه

[أمـ ساره]

السلام عليكم ورحمة الله وبركاته



وأخيراً ربي كتب وبنزل بعض توابلي وهي عادية

بس حبيت نشارك بيها





الملح الخشن لأنه أفيد طبعاً والفترة الأخيرة بديت نستعمل فيه







وهذا عشقي البزار

نحب نضيفخ لكل شيء الا الحلو طبعا بس المعجنات الحارة عادي








وهذه أيضاً نحبها هلبة القرفة

للحلو وللحار الدجاج واللحم بصراحة نكهتها حلوة







فلفل أحمر حار وحلو







الحرارات

مشكلتها ان كل خلطة تجيني شكل لما نشريها

مرة حسبت راجلي غالط وجاب لي كمون حوت بدل الحرارت من كثر ما مكثرين منه فيها








وهذا الزعفران

ماعندي حظ معاه لحد توا ما لقيت نوعية طويسة منه في ليبيا






وهذه توابل منوعه



الهيل أو حب الهان

نستخدم فيه حبوب بس وأكثر شيء للرز والدجاج واللحم



وورق الغار

حتى هو نفس الاستخدامات



وفلفل أسود حب ومرات نستخدم في المرحي



والقرنفل

أكثر شيء في الرز مع انه فيه من يشتخدم فيه في الكسكسي المسقي








هذه تتبيلة دجاج جاهزة

للأسف نسيت مكوناتها لكن ريحتها ونكهتها حلوة مش عادية







وهذه نوعية جديدة من التوابل استعملتها مؤخراً

لكن بصراحة اتهبل وريحتها فايحة تقول طازجة




خذيت منها خلطة للأرز

بالضبط ما نتفكر في مكوناتها لكن ما نستعمل معاها الا في الملح وورق الغار والهيل

تقريباً فيها الزنجبيل وعود لحم وقرفة وبهار أبيض والباقي نسيته







ونفس النوعية خذيت كزبرة ناعمة







وكروية








وأيضاً خذيت بهارات برجر للدجاج









وكان فيه للكباب بس ما لحقت نشريه تم قبل




وأعشاب بيتزا












وبهار حلو

شنو هو بالضبط ما نعرفه لكن هذا المكتوب عليها

ولاحظت انه مدخلينه في أغلب التوابل








وان شاء الله المرات الجاية نزيدكم

لأن عندي توابل ناقصة هالفترة نكملهم وانزلهم باذن الله



يا بنات ياريت كل وحدة تكتب لنا في أي شيء تستخدم

بهاراتها مش قصدي الاستخدام العادي

قصدي اضافات أو اختراعات من عندها

ولو ادير في تتبيلات خاصة تكتبها لنا حتي يكون الملف مفيد أكثر

[رميساء]

السلام عليكم.
ماشاء الله عليك يا أم ساره
مشكورة علي الصور رووووعه
بارك الله فيك
س : أعشاب البيتزا توضع في الصلصة أو فوق البيتزا وهل تستخدم في أشياء أُخرى ؟؟

[المصراتيه]

لوبا ماشاءالله علي توابلك عجبني بس نبي نسالك كيف تجففي فيه الكسبر؟؟؟ اني ماعنديش دفايه واول مره ان نسمع الكسبر يجففو فيه ياريت تقوليلي عندي كسبر وخاطري ندير زيك
وشن الفرق بين الكاري والكركم اني قبل نعرف ان الكركم عربي والكاري انجليزي ولون يختلف شويا وجبت معايا من ليبيا وخلطهم جميع

وشكرا علي النعناع ان شاءالله حنشريه لان جايبه معايا من ليبيا مجفف بس حسيته صنه خفيفه ماعجبنيش

ام ســــــــــاره اي ده كله
ماشاءالله لامه السوق

نبي نسالك علي بهار البتزا اول مره نسمع بيه وياريت كان جربتيه في البيتزا تقوليلي علي البنه حسه عجبني وسجلت اسمه الانجليزي وان شاءالله نلقاه هنا
والزعفران كان ابتضحكي عليا دورته في مصراته مالقيتاش جبته من تونس فرحانه بيه وبعد جيت هنا مانعلمش علي روحي كيف خلطته مع الفلفل الاحمر وجعنييييييييييييي
يا حلوات كندا اللي عندها منا ياريت تعطيني اسمه او تصوري الحكه امتعه وبارك الله فيكم
والحرارات علي قولتك الوان واشكال

اني صورت بهاراتي وان شاءالله يومين وانزلهم انتظرووووووني

[أمـ ساره]

رميساء

المصراتيه

الله يسلمكم يا حلوات ويبارك فيكن


وين يا مصراتيه اني توا ما عندي شيء نحس هلبة حاجات ناقصتني وأولها النعناع وكمون الحوت

ضروريات هلبة عندي



بالنسبة لسؤالكم عن أعشاب البيتزا

جربتها مرة في شربة الخضار بالشوفان وأعطت بنة ونكهة حلوة


وهي المفروض توضع فوق البيتزا بعد الجبنة قاعدة ما درتها البيتزا

لكن اني استخدمتها مع الشوربة ومع الدجاج

وان شاء الله لو جربتها في شيء ثاني نقوللكم



وريحتها قوية وحلوة حتى اني اول مرة نشريها

لأن ما عندي زعتر للبيتزا ولما جربتها عجبتني


وخذيتها من مجمع الخمس التجاري لقيتها بالصدفة هالنوعية من التوابل