[دجاج مشوي ] من مطبخ علياء السلفية

**علياء السلفية** · 12-01-2012, 01:34 AM

السلام عليكم ورحمة الله وبركاته ,,,

حبيت اندير العشي شواء دجاج وصلاطة مشوية

المكونات

ست افخاد دجاج بالجلد

, معلقتين طعام بهارات دجاج , فلفل اسود , حوالي ملعقة فلفل احمر

, ملح , فلفل احمر يابس مجروش (عنده طعم خاص ويكون حلو مع الشاورما التركية)

اربع فصوص تومة , اكليل, اقل من ربع كبايه زيت زيتون .

مكونات الصلاطه المشوية

قرنين فلفل اخضر , تلاته طروف طماطم , اربعه فصوص تومه , طرفين بصل

صغير الحجم , ملعقة طعام هريسة وشوية زيت زيتون وملح .

الطريقة
نضفي الدجاج واغسليه بالميا والليم وبعدها شرحيه بسكين يكون حاد بس

ردي بالك لانه بيكون لزج شرحيه من عالعظم بس ماتفصليشي عليه ,

تبليه ويفضل انه يبات ليلة بالتتبيله في التلاجة لانه يتنكه اكتر .

ملف مرفق 1140
قطعي مكونات الصلاطة الي يكون حجمها كبير اما ادا كانت صغيره مش لازم اني

نركز ع الطماطم لازم يطيب كويس وتمشي طعمت الحموضة والميا الي فيه بس

مش كل الميا وبعدها حطيها الخضرا عالشواية وبالشوي بالشوي قلبيها والتومة

يفضل تنحط في سلفر لانها صغيره وحساسه .وبعد تكملي شويها ارحيها بس

مش هلبا وخلطي معاها الهريسه وزيت الزيتون والملح .

وبعدها ابدي في شوي الدجاج وحمريه بالشوي بالشوي .

وأخيرا يقدم بس ما لحقتش صورته في الصفر حطيت الصواني جنب بعض ودرت ديكور سريع ان شاءالله يعجبكم .

**علياء السلفية** · 12-01-2012, 01:35 AM

Photo1763.jpgهادي الصورة النهائية مابتش تنزل فوق 4242.jpg

**أم أيوب** · 12-01-2012, 02:14 AM

ماشاء الله تبارك الرحمن

طالع الدجاج روعة من بين ايديك ربي يحفظك

بس حبوبة معليش لو المرة الجاية كبرتي الصور شوي

حاولت نكبرهن من عندي طلعن مش واضحات

ما تحرمينا من ابداعاتك يا غالية