[ الدرس الاول ] في دورة كوني فنانة الرسم علي الكباتشينو

[luba]

تطبيق ممتاز واحلي من الاصل في الدرس والرسمة الاختياري ماشاء الله تبارك الرحمان

شكرا جزيلا ونوع قهوتك انت وام ساره طلعتوا نفس الانوع لازم نبحت عليها حتي لونها سمح

اني ديمة نستعمل في اللون الداكن ريتش ريتش و انكور منكهه بالبندق ان شاء الله نلقي كيف متاعكم عجبني لونها




في انتظار البقية هيا حبيبتهم وام ساره اكيد حمسوكم

[أم خديجه]

السلام عليكم

كيف حالكم


مشكورة اخت لوبا علي المجهوداتك في الشرح



روعه تطبيق حبييبتهم وكذلك ام ساره


عجبوني وان شاء الله يتحسن تطبيقي ليكون مثلكن


الصراحه اني تعبت من القص علي الورق وخاصه انه يستخدم مرة واحده ومن القص علي علب التشبس لانها سميكه

اشتغلت ودرت علي الورق

بعد ذلك فكرة في نو ع يكون القص عليه اسهل و نستعمله دائما


اظرف النايلو مثل الي في الصوره





عندي واحد مستعمل واجد
اخدته ورسمة عليه بقلم الرصاص لتحديد حجم الكوب وبعد ذلك قصيتهن مربعات ورسمت الرسمه الي نبيها علي ورقه و عاودتها علي النايلو ثم بموس الاميتي فتحت شويه وبعدين بمقص حاد مدبب بديت نقص (كينك تقرضي قي لصقة الحنه مشههوره عندنا في مصراته حتي المقص نفسه )

وهذه النتيجه مع الادوات










وهذة تجاربي

هذه كانت بالورق



وهذه ايضا



اما هذه فهي بورق النايلو

















في امان الله وحفظه

[أمـ ساره]

السلام عليكم حبوبات


حبيبتهم ماشاء الله شكلك تعلمتي بسرعة طلعتي أفلح وحدة فينا




أم خذيجة

حتى اني زيك تعبني الرسم والقص لكن وراه وراه لين نتعلم ان شاء الله





لوبا الحبوبة

أمس حاولت نرسم وحدات جديدة لكن مازال ما قصيتهم






وعاودت القلب بروحه وركبته على قصة الآي لوف يو

اليوم طبقت عالسريع حتى تقولي لي شنو رايك برسمة القلب كويس او مازال يبي

وكان هذا نعتمده وندير بيه قالب ندسه عندي للإستعمال

[مغتربة 7]

اشيه ماشاء الله على الفالحات تطبيقات فى غاااااااااية الروعة والجمال

لا اني تطبيقي على قدي وطبعا هذا كله بعد مساعدة لوبا الله يفتح عليها دنيا واخرة والله ندعيلك من قلبي لانك علمتيني هو صح مازال مش خبرة لكن فى تطورات


وهذا تطبيقي






وهذه بنتي حبيبتي تساعد فيا

[أمـ ساره]

ماشاء الله غروبة عندك من يساعدك

وكان تشوفي حوستي اني لما نرسم ههههههههه

قريب الكوجينة كلها جنبي وقتها واني نرسم ونمسح ونشكل

واهو قاعدين نتعلموا شنو ورانا

ولوبا ربي يبارك فيها ويعطيها ما تتمنى يارب مساعدتنا وموسعة بالها معانا

[الصابرة]

ماشاءالله عليكم كلكم
حبيبتهم ماشاءالله شكلك فنانة اصلا بسرعة مااتقنتي الرسم
ام سارة حتى انتي كي حوستي
لكن كثر المحاولات هيا اللي تخليك تبدعي
ام خديجة فكرة حلوة فكرة الملف واسهل في القطع
مغتربة ربي يحفظلك بنتك يارب وبداية موفقة

لوبا
ربي يبارك فيك ويحفظك يارب
ان شاءالله تعذريني يارب على تأخري
لكن اني قاعدة انتفرج بس ومش قادرة انزل حاجة
من اول ماشفت الدرس طبقته على السريع لكن بطئ النت كل يوم انحاول انزل حتى صورة
لكن نقعد قريب ساعة واني انراجي في الاخير يقولي تعذر او يفصل النت شفتي هكي قهر

[نسمه ليبيه]

السلام عليكم

الفكرونه وصلتكم

الحمد لله تميت الدرس الاول

وعجبنى الموضوع بصراحه خسيت روخى فنانه احم احم وشوفى ياابلتى

[مغتربة 7]

بارك الله فيكم يابنات

نسومة شن ها الابداااع ماشاء الله عليك ولا افخم المطاعم

بارك الله فى لوبا الغالية وجعله فى ميزان حسناتها الوحد يشرب الكابتشينو والفرحة تغمر قليبه

[luba]

ماشااااء الله شنو اللي صاير من وراي بارك الله فيكم الكل والله فرحتوني

تطبيقات تشجيعات لي بعض تقولوا غير تعرفوا بعضكم من سنين ربي يدوم علينا المحبه نبدي فيكم بالوحده ههههه

صدقت روحها ابله هههههههههههههه


القص عادي اني بروحي تعبت فيه ورميت وعاودتت

ام خديجة




تطبيق حلو ماشاء الله بارك الله فيك ومجهووووود رااااائع وقصك ورسمااااتك حلوات تو بنطبق منهم ان شاء الله شكرا جزيلا ام خديجة

عمل متقن ولكن مرات المشكله مش في عملك في نوع القهوة لانه اني صارتلي هالمشكله وخاصة طحنها

نشوف في قهوة حبيبتهم وام ساره نفس بعض ونتايجهم حلوة بيها ونتمني نلقاها

وحتي الرش جربي مرات ترشي من مسافة غير المسافة اللي قبل وحتي اني كله بالتجربه والله
واللي مايجرب ويغلط عمره مايتعلم صدقيني
تحياتي ليك بارك الله فيك

ام خديجة قصك ممتاز احفظيه خليه وجربيه علي قهوة تانية
ورشيه كل مرة بارتفاع ومرات جربيها في كوب اكبر
نوع قهوة ام ساره كلاسيك

[luba]

[/QUOTE]




تطبيق ممتااااز ورررائع بارك الله فيك علي الاصرار والعزيمة ربي يعطيك الصحة

واعتمديها لي اغلي الناس عندك وحنعتمدها في التصويت كل الرسم واضح وطريقة وضعها

والله فرحتوني توا خديت من كل وحدة فيكم فكرة وحاجه تفرحوا الخاطر

من حبيبتهم طريقة الرش ومنك نحط القلب كل مرة في جهه ومن ام خديجه رسمات حلوة شكلها تقص في الحنه لو تقص

فيها لازم تعلمنا بعد هالدورة زي ماتعلمنا الكروشيه من الصابرة

متقن القص عندها ماشاء الله لاقوة الا بالله