[ الدرس الثاني ] في دورة كوني فنانة الرسم علي الكباتشينو

[luba]

الدرس التاني




الرسمة التانية ( نجمة وهلال )





التطبيق سيكون لهذه الرسمه هي الاهم واختياري
من الرسمات التي علي الورق المقوي في الدرس السابق
واستعمال اي شئ يريحك للتطبيق

نرسم النجمه والطريقة موضحه ان شاء الله تكون مفهومه
والهلال يمكن استعمال اي قالب دائري
او الفرجار وترسمي نصف دائرة وتقطعيها برسم حر
بايدك او باي شي دائري تضعيه مقابل
النصف الاول من الدائرة وترسمي وتتبعي الاطار الخارجي للهلال









نقوم بخلط مكونات الكاباتشينو

كل حسب رغبته اني نفضل
2 ملعقة سكر صغيره
ونصف ملعقة قهوة الكباتشينو صغيرة

يضاف عليها نصف ملعقة صغير ماء
وتضرب جيدا باليد
وادا كانت الكمية كبيرة يفضل ضربها بالمضرب



نصب عليها الحليب الباكو الساخن









ناخد القالب ونضعه

نضع القالب ونسحن حبوب القهوة جيدا لتحصلي علي نتيجه رااائعه
حتي تصبح بودرة ونرشها فوق الرسم




نرفع القالب بهدوء
وهدي النتيجة

هادي بدون رغوة الحليب










وهادي برغوة الحليب







هادي نتيجة احد قوالب الورق المقوي في الدرس السابق
التي تم عرضها




ملاحظة مهمه :

1- يجب طحن القهوة جيدا ورشها بشي دات عيون ضيقة
اني رشيتها بعد طريقة حبيبتهم بارك الله فيها بقماش فيه عيون ضيقة جدا جدا
و رشيتها بالصفاي عيونه مش ضيقة مامشاش الحال لازم عيون ضيقة جدا للحصول علي نتيجة نظيفة
شكرا جزيلا حبيبتهم

2- ترسم متلتات النجمة الي الداخل اكتر وبحدة واطولي شوية في المتلتات ما اديروهمش قصيرات او مكركبات
طبعا و هدا يعتمد حجم الكوب


تمنياتي التوفيق للجميع وفي انتظار تطبيقاتكم وابتكاراتكم لتفيدني
بارك الله فيكن يالغاليات



صباح الخير ياوطني صباح الخير امي وابي
صباح الخير اخوتي واخواتي صديقاتي وقريباتي

[مغتربة 7]

بارك الله فيك لوبا

جاري التطبيق ان شاء الله

[أم خديجه]

بارك الله فيك
وان شاء الله يتم التطبيق

[أمـ ساره]

ماشاء الله لوبا درس خفيف وحلو

وعجبتني النصائح والارشادات الي حاطيتيها لنا

وان شاء الله نطبق الدرس وتعجبك تطبيقاتي

ربي يسلم ايدياتك ويحرمهم النار يارب

ويبارك فيك ويعطيك ما تتمني على مجهودك الرائع ووسعة بالك معانا

[الصابرة]

ماشاءالله شرح واضح ونصائح مفيدة مشكورة حبيبة الى التنفيذ

[نسمه ليبيه]

جارى التطبيق على كوب كبتشينو متاع العشيه

يسلموا ابلتنا

[أم ملك]

روعة وجاري التطبيق الله يفتح عليك
وعجبني هلبة بو نجمة وهلال ليبيا حرة

[حبيبتهم]

السلام عليكم


الله عالدرس اليوم يا لوبا يهبل

تعلي في العالي تعلى بونجمة وهلال

هذا تطبيقي للنجمة وهلال وولدي لما شاف الفنجان قال لي يا ماما ليبيا حرة






وهذا تطبيقي لرسمة ثانية طبعا اني مانعرفش نرسم فرسمي على قدّي





وقبل ماننسى هذي الرسمات اللي درت بيها





وسامحوني على اي تقصير

[أمـ ساره]

ماشاء الله حبيبتهم ناشطة

تطبيقات حلوة حبيبة ورسومات رووووعه وعجبني اللوم الاحمر





لقد عدت بالتطبيقات


الصور الأولى الي لغيتها من الدرس الاول فحبيت انزلها


















وهذه تطبيقات اليوم














شكل القلب جي متلخبط شوي

كنت بنديره 3 مرات بس الثانية تداخلت مع الأولى

وفسدت الشكل كله لكن ان شاء الله نكررها ونساويها







وان شاء الله يعجبوا أبلتنا الحلوة

[luba]

وعليك السلام

ربي يخليلك السموح وربي يبعتله خوت يملوا معاه الحوش عاجل غير اجل ياااارب

تطبيق مممتاز وراااائع ورسمات حلواااات شنو علي قدي لا سمحات ماعندك ماتقولي فيهم

بس قهوتك انت وام ساره بتاخد عقلي لونها ومنظرها حلوة اسعدتيني بتطبيقك انتظري الدرس التالت

حتي هوا في القوالب