استفسار عن المقروض للخبيرات

[امدللة]

السلام عليكم
لما نعجن المقروض لقيت طريقتين وحده الزيت ساخن والثانيه يضاف بارد من خلال تجاربكن اين احسن في الطعم ولي عندها طريقة مضبوطه ياريت
وجزاكن الله كل خير

[بنت الاشراف]

السلام عليكم
بالنسبة ليا مجرباته على السخون والبارد عادى يجينى نفس النتيجة لكن امى تقولى الزيت لما يكون سخون أحسن وخديت بنصيحتها والمقروض كل مايرتاح يعطى نتيجة أفضل أعجنيه من الليل وخليه لثانى يوم
وإن شاء الله نكون أفدتك

[امدللة]

بارك الله فيك اختي الكريمه

[بنت الاشراف]

وفيك بارك الله

[بنت حواء]

أنا مش خبيرة في المقروض
لكن اللي نعرفهم يديرو فيه بارد
وماسمعتش أن في فرق
وهذه طريقة زينب محمد مضمونة
هلبة جربوها والنتيجة روعة

http://www.libyan-kitchen.com/kitche...8+%E3%CD%E3%CF


وننتظر تطبيقك
ومشاركاتك
وتفاعلك معنا
بشوووووووق
تحياتي لك

[امدللة]

شكرا اختي جزاك الله كل خير

[المصراتيه]

بالنسبه ليا طول عمري ندير في الزيت ساخن ويجي ياسلام عليه وماعمريش جربته بارد،،

[امدللة]

شكرا بارك الله فيك اختي المصراتيه شجعتيني انديره ساخن لاني جربت اكثر من حاجه لكي وجو ياسلام ماشاء الله عليك ربي يحفظك ويعطيك الصحه

[الصابرة]

اني الحق ديمة اندير فيه بارد عمري ماسخنته
وفي الفترة الاخيرة اندير في طريقة زينب اللي جابتلك رابط الموضوع بنت حواء
مش عادي ديريها وانتي مغمضة عيونك ياسلام

[امدللة]

بارك الله فيك اختي الصابره جزاك الله كل خير وزاده انحب نشكرك علي موضوع الكروشيه ليا زمان ما اشتغلت وشجعتيني انرد نشتغله
اللهم يجعله في ميزان حسناتك وينفع بيك ان شاء الله