[ الدرس الثالث ] في دورة كوني فنانة الرسم علي الكباتشينو

[نسمه ليبيه]

اسفه فى تاخرى فى تنزيل التطبيق لنقص بعض المعدات عندى

[luba]

الصابرة ماشاء الله هدا اللي حكيت عليه بيش اديروه في الردود فوق

شكرا علي الطريقة بالصور بارك الله فيك وربي يسلمك ويخليك تطبيق ومحاولة رائعه

عندي ملاحظة صغيره انك تخلي القلب اكتر مقوس في اتجاهاته اللي بره وراسه الداخلي

اكتر الي الداخل بيش تطلع معاك الرسمة مزبوطة شكل قلب زي ام ساره مخليتهم حادات هلبه

وفي انتظاركم وفي انتظار تطبيقاتكم اللي كعادتها تتفوق علي الدرس

نسومة معاك في انتظار المعدات ولا يهمك

[أم خديجه]

السلام عليكم

اسفه علي التأخير كانت عندي مشكله في تحميل الصور
الحمد الله تو بارك الله في المصراتيه ان شاء الله يكون في ميزان حسناتها

هذا تطبيقي وان شاء الله يعجبك لوبا




وهذا تطبيقي بالكاكاو










وهذه صورة لكل الرسمات ان شاء الله يعجينكن

[luba]

ام خديجة مااااااااااااشااااء الله لاحول ولا قوة الا بالله
لا تو بناخدو الدروس منك روووووعه ويهبل والتطبيق احترافي وممتااااااااااز
و احلي من الدرس والقص احترافي وكانه جاهز ماشاء الله
ربي يعطيك الصحة ويبارك ليك في وقتك وجهدك

اسفة لتأخري عن الرد لظروف صحية

[أم خديجه]

ان شاء الله لاباس عليك

كيف مانستغنوش عنك وعن دروسك
قبل ما تعلني عن الدوره ما كنتش نعرف انه في رسم علي الكابتشينوا

وبعدها دورة في النت عليه قلت لا مشممكن اندير زيهم
لكن تو ولك جزيل الشكر بديت مستمتعه في توتاتها وشربها سيبت القهوي العربيه
من يوم بدينه في الدروس
الحمد الله انه عجبك وان شاء الله ربي يعطيك الصحه ويخليلك اعويلتك

بنات وينكم شكلها مسابقة التطبيقات واخدتكن و مادرتنش الواجب
ان شاء الله المانع خير
ام ساره وحبيبتهم وينكن

[حبيبتهم]

السلام عليكم
سامحوني على تأخري يا بنات والله عندي ظروف
ومع تأخري جاية ومتحشمة جايبة الواجب ناقص ومش اوي

ام خديجة ماشاء الله عليك ربي يبارك فيك ويعطيك الصحة عالرسمات اهو اللي بيرسم وبيزين والا بلاش


هذا صورة التطبيق الاول من الدرس هذا ونعاود بنقول سامحوني لانه ناقص ولان الواجب مش كويس هلبه







الرسمة الثانية انديرها وانزلها في وقت اخر

[luba]

مااشاااء الله لاقوة الا بالله تطبيق روووعة و احترافي ومتقن ونظيف

وتأخري كيف ماتبي المهم هالطاسة الحلوة تجينا ولو بعد حين انراجوها انراجوها

ولا تتحشمي ولا حاجة انت تالت مشاركة كيف قلنا بسم الله فيها

والله كويس ومايستاهل هالعواد والتعدر كله ربي يسلمك ويعطيك الصحة وطمنيني عليك

[أم خديجه]

السلام عليكم
بارك الله فيك حبيبتهم تسلمي يارب

هذا تطبيقي لبعض الرسمات

قهوه العشيه

[أمـ ساره]

السلام عليكم يا حلوات

ماشاء الله لاقوة الا بالله تطبيقات اتهبل

سلمت ايدياتكن المبدعة وبالهني والعافية على قلوبكم


وسامحوني على التقصير

ان شاء الله نحاول انزل تطبيقاتي لو قدرت والا اعذروتي

والله ظروف وحايسة في روحي هالفترة

[أم خديجه]

ان شاء الله خير ام ساره

الله يريح بالك ويهنيك