هل يعجبك اسمك؟ ومن سماك؟

[موودة]

الحمدلله لو لم يكن ان يكون اسمى لوودت ان يكون اسمى هههههههههههه

عاجبنى واجد وفرحانة بيه ههههههه سمانى بابا وكلنا نفس الحرف

[زوبة الطيوبة الحبوبة]

شكراً على طرح للموضوع حبيبتي
نعم أنا أحب أسمي كثيراً لأن معناه في اللغة العربية جميل جداً
وأحب أسمي أكثر لأن التي أسمتني أختي الكبري ( حفظها الله )

وأنا من طبعي أفضل الأسماء ذات المعاني الجميلة القديمة والإسلامية أكثر من الأسماء الحديثة..

[لوتي]

مسكينة البنت إللي اسمها ملينة الإسلام حثنا علي إختيار الأسماء الجميلة لأولادنا لاحول ولا قوة إلا بالله

[نسمه ليبيه]

اخواتى انتظر باقى المشاركات

[luba]

موضوع حلو كيف صاحبته

يا حنه اني جو بيسموني اخلاص وماصار منه لانه في معارضين

بعدين قالو لانها ولدت يوم دكري معركة بدر نسموها بدريه وووه عليا الحمد لله تخطيته

وبعدين جت بنت عمي الله يخليها لي امها ويخلي امها ليها

اقترحت اسمي لوبا ههههه انبصر اسمي ........ن.....

مشي داروا قرعه بينهم التلاته وربي ستر وطلع اسمي هدا من بين التلاته اخ عش وي

طاحت الورقة اللي فيها اسمي فوق بطني وسموني بيها

وهدي القصة والرواية


تعرفي كانت معانا بنت قبل تاخد شهادتها من الجامعه معانا غيرت اسمها

كان اسمها معيوفة وجرت علي تغيير اسمها وغيرت كل شي عن طريق مدينة مصراته

لانها تسكن قريب منها و تخرجت منها وغيراته الي سعاد

[نسمه ليبيه]

ههههههههه هدرزتك فعلا حلوه باهى ياستى بل بدريه كانوا يسموك بدور والا بدر البدور زى سندباد

وحتى اسمك حلوووووووووو خاصه انه قريب لشخصيه كارتونيه نحبها

سعيده بطلتك

[الترياق]

أنا أسمي عاجبني و أليي سمتني جارتنا

[نسمه ليبيه]

مشكوره حماة على المشاركه وياخساره على ترابط الناس زمان شوفى انت سماتك جارتكم توه مستحيل الجار يتدخل فى اسم ولد جاره

[أم عبادة الليبية]

وأنا سماني أبي ربي يحفظه , ومعنى اسمي عاجبني لأن يجعل فيا مصدر تفاؤل وسعادة للجميع , وشكرا نسومة على الموضوع المميز حبيبتي .

[نسمه ليبيه]

مشكوره ام عباده على مشاركتك