[ الدرس الرابع ] في دورة كوني فنانة الرسم علي الكباتشينو

[الترياق]

أبلة لوبا أعتقد مستحيل حيمر عليك طالبة مهوسة بالدورة و المطبخ الليبي زيي و الحمد لله أجركن حاصل أن أبتكاراتي أصبحت بس ف المنتدي يعني بعيد بعيد عن مرضايي,,شوفي صور التطبيق و حتفهميي., و أدعوا و أفرحن يابنات أنكن تعرفني بس عبر الأثير مش وجه لوجه,,و طبعاً مش حتفهموا الا لو شفتو وجه أختي اليوم مسيكينة بعد شافت صويصة الكابتشينو

خديت خلطة الكابتشينو و ظفتلها حليب بودرة عشان يتفتح لونها شوي و ضفتلها صبغة حمراء و خضراء و رسمت بيها وردة و طريف دلاع خصيصاً ليك يا أبلة.

[أم خديجه]

ما شاء الله لا قوة الا بالله
تسلم ايديك روعه الفكرة و التنفيد اضافة غاية في الروعه

تسلمي وما تحرمينا من مشاركاتك وافكارك

ان شاء الله حتي بالكريمه يتم تطبيقها وهي بيضاء مجرد اضافة اللون

[لوتي]

ماشاء الله حماة أم عبسي وين كنتي داسة هذا كله تبارك الله عليك

[luba]

ام خديجة ماشاء الله لاقوة الا بالله تسلم ايديك

ابدعتي كعادتك ربي يحفظك

[luba]

تسلم الايادي ربي يسلمك حلوة وعجبني فكرة رسم الفراشة وان شاء الله حنديرها نحب الفراشات

تسلمي يافراشة المنتدي

[luba]

ال








ماشاء الله طبعا مريت علي كل الصور ربي يعطيك الصحة ويدومها عليك

المهم طبقتي يالغالية عادي الدورة مفتوحة علي طول

عجبوني هلبه وافكار حلوة للرسم و خاصة المكتوب فيها ليبيا حلووووة

تسلم ايدياتك وتبي شوي تتعودي وبعدين ما عاد حد يقدر عليك بارك الله فيك و

وربي يحفظلك الحلوات

[luba]

ماشاء الله عليك وعلي حماسك وافكارك الحلوة اللي تجنن
طبعا مريت علي كل الصور ومشاركاتك الحلوة
وعجبوني كلهم ونقولك لاشكر علي واجب
وانت مشكورة هلبه وكل البنات اللي خليتوها مش دروس
نقل وخلاص خليتوها مناقشة وافكار فعلا دورة مناقشة في الرسم
طبعا عجبتني اضافة ام خديجة كدلك انه انلونوا الكريم وهدا اسهل
وفكرتك تجننننننننننننننننننننننننن
عندي طلب ضرورري جدا لتدخل مشاركاتك في التصويت
والحصاد انك تخلي الصور بشكلها الطبيعي زي باقي المشاركات متاع البنات
بهدا الاطار و بهدا الحجم طمستي جمال الفنجان وفكرتك
في انتظارك اتعيدي تحميل الصور لاضافتهم في الحصاد
وخلي كل صورك طبيعيات وباطار بسيط رجااااااااءا عليها اسمك واسم المنتدي
بدون اي رسوم اخري
لانك فالحة ماشاء الله بس تختاري في الاطارات الغير مناسبه اللي تغير في جمال عملك
طبعا عملك اكتر من ممتاز ورااااااااااااااااااااااااائع

[أم عبادة الليبية]

ماشاء الله عليك حماة أم عبسي , الباين إنك فنانة في الرسم , ربي يحفظك ياإبداع .