[ الدرس الرابع ] في دورة كوني فنانة الرسم علي الكباتشينو

**الصابرة** · 01-09-2013, 03:13 PM

هذا اللي استخدمته

الخليط الثاني

ملعقة كبيرة سكر
و وملعقة كبيرة او اكتر قهوة الكاباتشينو ويضاف عليها
الماء الساخن قليلا وبالتدريج مانبوش ماء واجد
لتدويبها فقط بدون خفق

ونزيد نضيف عليها حبوب من قهوة الكاباتشينو مطحونات
كلما رغبتي في زيادة اللون

**luba** · 01-12-2013, 02:42 AM

ماااااااااااااااااشاااااااء الله لاقوة الا بالله تطبيق راااائع

وجميل وحلو الكتابة العشوائية خطرتي عليا الحروف الاهرامية بارك الله فيك ابدعتي

طبعا عندي ملاحظة صغيره لما بتعيدي الكتابه بعد كمل منك الخليط تجي اتحطيها العود اتنزليه قبل المكان اللي تم فيه بشوية

وتتحركي مش تحطي العود وتوقفي تتحركي من قبل مايلامس العود الرغوة

جميل جميل جميل وراااائعة

**luba** · 01-12-2013, 03:30 AM

مااااااشاااااء الله لاقوة الا بالله رووووعة وتطبيق احتراااافي ممتاااااز

وحلو اللون داكن هلبه ومرتب فضيييعه تسلم ايديك وانت اللي روووعة

وكنز للمنتدي ووللبنات بارك الله فيك وفي وقتك وربي يعطيك ما يفرح قلبك ويفرحنا معاك ياااارب

**luba** · 01-12-2013, 03:45 AM

المشاركة الأصلية كتبت بواسطة أم خديجه

بارك الله فيك لوبا علي المجهود الواضح

ما شاء الله يابنات شنو السرعه هذه حبيبتهم
تسلم ايديك

واو صبوره تطبيق رائع
اي خلطه استخدمتي

وفيك بارك الله يا مبدعة الكباتشينو في انتظارك ام خديجة

والصابرة في الرسمة الاولي استعملت الخليط الاول وفي التاني استعملت الخليط التاني
ونتمني منكم تجربوا الخليطين وتعطوني رايكم وهما الاتنين من افكاري وحصري هنا في المنتدي

**luba** · 01-12-2013, 03:46 AM

المشاركة الأصلية كتبت بواسطة أمـ ساره

ماشاء الله لوبا درس مميز وايهبل

ان شاء الله نطبقه ونحاول انزل الصور لو لقيت وقت

بارك الله فيك وفي وقتك وجهدك وصحتك وعيلتك حبيبة

حبيبتهم ماشاء الله ولا أسرع من هكي تطبيق لحد توا

صبورة ماشاء الله عليك من اتقانك للدرس قعد لآخر قطرة

نورية المصراتيه

عادي حبيبة شاركي معانا ولا يهمك

وزي ما يقولوا كل تأخيرة وفيها خيرة توكلي على ربي وطبقي الدوروس من البداية

وجودك المميز بيناتنا ام ساره بارك الله فيك ربي مايحرمنا هالطلة

**luba** · 01-12-2013, 03:47 AM

المشاركة الأصلية كتبت بواسطة لوتي

ماشاء الله علي النويشطات بارك الله فيك لوبا خليتني نكتشف حاجة جديدة

بارك الله فيك لوتي في انتظارك ماتنسيش

حاولي ماتيأسيش

**luba** · 01-12-2013, 03:57 AM

المشاركة الأصلية كتبت بواسطة نورية المصراتية

ماشاء الله مشاركات حلوة و تطبيقات احلى
سامحيني يا ابلتنا بس انا امس بس شاركت في المنتدى
نقدر نشارك معاكم في الدورة او خلاص التسجيل انتهى ؟؟

وجودك الاحلي بيناتنا انستينا ونورتينا

اكيد وجودك يسعدنا ونتمني كل الدروس اطبقيها

وكل درس تحطي التطبيق متاعه تحت درسه بيش تخشي معانا في الحصاد النهائي والتصويت

في انتظارك ماتنسيش بارك الله فيك علي مرورك العطر

**الصابرة** · 01-15-2013, 05:11 PM

لوبا هذا تطبيق اخر للدرس ومستنية بشوق باقي الدروس

الاول وسعت بين الخطوط

وهذه كتابة

وهنا ظيقة بين الخطوط لكن انسيت ننفض العود فطلع عندي خط طويل

**الصابرة** · 01-15-2013, 05:17 PM

وهذه احلى ابتسامة لحبيبة قلبي لوبا واللي مستحيل انسى فضلها بانها اضافة شئ لي مش عادي
وهو الرسم على الكابتشينو بارك الله فيك وجعله الله في ميزان حسناتك يارب

ان شاءالله يعجبوك تطبيقاتي