الكراكيب على قد ما درت ما بتش تمشى من عصيدتى حرت وما عرفتش السبب تغربيل الدقيق انغربل فيه وكان التعصيد انمعصد فيها ما فيش فايدة شى ايحشم ساعدونى العويله ايحبوها هلبه
الكراكيب على قد ما درت ما بتش تمشى من عصيدتى حرت وما عرفتش السبب تغربيل الدقيق انغربل فيه وكان التعصيد انمعصد فيها ما فيش فايدة شى ايحشم ساعدونى العويله ايحبوها هلبه
ولا يهمك سنا,البنات هنا عندهم هلبا افكار ,عن نفسى ,اول ما نضيف الدقيق إنزلها بعد ما انحرك حاجة دقيقه,ونعصدها الى انا نتأكد انها مافيهاش حاجه,وفى ملاحظه,لو كنتى دايره كميه لعائله ,لما تعصدى المره التانيه ضيفى شوية زيت ايساعد,حتى لو بروحك,لو حطتيها فى راسك حتتعلميها.
بالنسبة ليا انحط في شوي زيت
لكن بما انك جربتيها اكثر من مرة جربي الطريقة هدي مش عادية وتضمن لك عصيدة من غير كراكيب
وربي يبارك في ام ايوب يارب
http://www.libyan-kitchen.com/kitchen/showthread.php?1463-%C7%E1%DA%D5%ED%CF%C9-%C7%E1%CA%E6%E4%D3%ED%C9-%E3%E4-%E3%D8%C8%CE-%D2%E5%E6%D1%C9-%C7%E1%C3%E3%E6%D1%C9
السلام عليكم
امى ديمه تقول العصيده على اول تعصيده يعنى اول ماضفتى الدقيق ونزلتيها وبديتى(تملكى فيها) بالمعصده مجهودك كله حطيه فيه يعنى لو تكركبت من اول مره معناها حتطلع فيها كراكيب
او ممكن انت تكثرى فى كمية الدقيق على الماء
وفى طريقه لام ايوب شوفيها اهو رابطها
http://www.libyan-kitchen.com/kitche...ead.php?t=1463
زي ما قالتلك نسمة ممكن تكثري في الدقيق
او انك اتحطي في الكمية دفعة وحدة
شوفي حطي بشوي وحركي علي طول بشكل دائرى لين اتحسي اكتفيتي من الدقيق او
اول ماتحطي الدفعة الاولى نزليها تحت واسندي الطنجرة علي حيط
وحركي زي ماقلتلك وبسرعة او كان عندك عجانة خليها قريبة من الغاز وجاهزة علي البطمة بس اول ماتحطي الدقيق على طول حطيها في العجانة
وان شاء الله انكون افدتك
بارك الله فيكم بادن الله انديرها وناخد بنصايحكم
طريقتي هي نضع الماء ونتركه حتي يغلي ويكون الدقيق جاهز في إناء ولما يغي الما كويس نمسك المغرف ونزيل الطنجرة من على النار حتى يهدأ الغليان مش لين يبرد ولكن بمجرد ما يهدأ صبي الدقيق وحركي بسرعة بإذن الله حتودعي الكراكيب لأن إضافة الدقيق والماء يغلي طريقة لا يجيدها إلا المهرة
كتبتلك بالفصحى والعامية إن شاء الله نكون أفدتك
عزيزتي .............
اول حاجه ديمه ايكون الدقيق تقريبا ضعف الميه وزيدي شويه علي الميه
تانيا ...صبي الدقيق بايد والتانيه فيها المغرف وحركي بسرعه ..ونزليها من علي النار واهنايا جو العصيدهكله ...عصديها كويس كويس ,, وجيبي بالشويه واسحنيها علي حاشية الطنجره بالقوه بش كان فيه كركوبه <<زي منسمو فيها احني ,,سبحة جدي >> تسحنيها وتمشي وعصدي كويس
تالتا رجعيها علي النار وصبي عليها اميه سخونه ..ولما تجف عاودي عصديها ,,,ورديها ع النار وزيديها الميه لين تنزح اميتها ,,,,
نزليها وعصديها ,,مع شوية زيت ..
المهم اني انرجع فيها مرتين غير اول مره,,,,,,,والحقيقه اتجيني زي العسل ...
ومرااااااااااااااااااااااااااا بعد قداش مفيهاش باش سبحة جدي
وان شاءالله انكون افدتك ...والبنات مقصروش زي العاده
سلاماااااااااااااااااات
اللهم ماصلي وسلم وبارك علي سيدنا محمد .... سيد الخلق اجمعين ...
سبحان الله والحمدلله واستغفر الله والله اكبر
اللهم اغفر لوالدي وارحمهم واجعل قبرهم روضه من رواض الجنه
أمين ....
ماشاء الله الاخوات ما قصروا بارك الله فيهن
وزي ما قالوا الدقيق يكون أكثر في الاول
حتى تعصديها كويس وما تجيك فيها كراكيب
وبعدها تقدري ترجعي مرتين حتى تجيك حلوة وقنينة
وجربي طريقة أم أيوب ان شاء الله تساعدك
تم تعديل اعلنوان حسب الشروط والقوانين
اللهم فرج على ليبيا واحقن دماء ابنائها
وابعد عنهم وعنها الفتن ما ظهر منها وما بطن
اللهم اهلك الظالمين بالظالمين وأخرجنا منهم سالمين
الذين يشاهدون الموضوع الآن: 1 (0 من الأعضاء و 1 زائر)
المفضلات