[ الدرس الخامس ] في دورة كوني فنانة الرسم علي الكباتشينو

[luba]

اهلين لوتي هيا ماصارتش معاي
بس نعطيك احتمالات لاني مش عارفه كيف درتي هل نفسي بالضبط او لا ونوع الكريم
لازم تخلطيها بماء ساخن
وتكون مش تقيله
اواخلطيها بشوي سائل قليل جدا جدا من الماء
وحركي الكوب حركة دائرية بيدك واسكبيها في كوب الكباتشينو
وبالشوية وخلي تكون عندك رغوة في كوب الكباتشينو رغوته الاصليه
بدون فقاعات تكون عادية ممكن هيا تساعدك علي بقائها
حاولي وارجعي قولينا شنو صار معاك في انتظارك

[أم خديجه]

مرحبا لوتي
حاولي اتزيدي اتخلي الكريمه سايله اكثر وجربي

[لوتي]

إن شاء الله إنطبق النصايح رغم إني لما غطست المرة الأولى ضفت للباقي من الكريمة شوي إمية بيش اتولي سايلة وصارلي نفس الشي لكن إنحاول مرة ثانية شكرا لوبا وأم خديجة خليكم قراب بيش اقوللكم شنو صار إمعاي
لوبا هادي مفهمتهاش
وخلي تكون عندك رغوة في كوب الكباتشينو رغوته الاصليه
بدون فقاعات تكون عادية ممكن هيا تساعدك علي بقائها

[luba]

نقصد رغوة الكباتشينو الاولي لما تضربية
مرات تصير انه الرغوة اللي فوق فيها فقاعات
حتي الرسم صعب عليها
شوي متلا رسمات الاولات في الدروس نرسموا علي رغوة متساوية
وبدون فقاعات زي الكريمه سطحها املس واحني معاك لين تجيبيها
ربي يعطيك الصحة منورة يالوتي

[لوتي]

ربي يسلمك ويخليك لولو اليوم جبت المحاولات للأسف مزال مش زابطة معاي هذي محاولاتي توا

المحاولة الأولى

الكريمة غطست ودارت فقاعات مع إني خليت سطح رغوة النسكافيه متساوي بقدرالإمكان




المحاولة الثانية

خليت سطح الكابتشينو رغوة متساوية وصبيت الكريمة وكانت سايلة إلى غليظة القوام زبطت فرحت ولما جبت القالب وحطيته ورشيت النسكافيه شوفي شنو صار



مزال إن شاء الله عندي محاولات بس حبيت إتشوفي محاولاتي

[أم خديجه]

اهم شئ انك تستمري في المحاوله
صارلي نفس الشئ ما كانتش تزبط معاي
بعد ما جربتها اختي الصابره وبارك الله فيها كتبت بعض ملاحظاتها في تطبيقها جربتها وكانت النتيجه مرضيه
شوفي تطبيقها ان شاء الله تستفيدي منهن
واكيد الابله لوبا تو اتفيدك

[barney]

بارك الله فيك يا لوبا وسلم ايدياتك تستاهلي التقييم
ع الأشكال اللي اتهبل سلمها ياربي تعلمنا منك واجد
لك تقييمي

[لوتي]

أهههه يا أم خديجة جربت بالكريمة الثقيلة والسايلة والنص ومزبطتش لكن سؤال بيش تخفقو في الكريمة بمضرب يدوي ؟

[luba]

اهلين بالنشيطة اللي معبية اصرار

محاولة لا بأس بيها كادت ان تنجح

بس ليش الفنجان معبي فقاعات كبيره من الاول او بعد حطيتي الكريمه ؟

وهل الكريمه فيها فقاعات كبيرة ؟

الكريمة نخفقوا فيها شوية مش هلبه اقل من دقيقة

ويكون الخليط شبه سائل اقل من سمك خليط الباسطي

و اخفقي بيش ماتبي المهم ماتكتريش خفق

وممكن البنات يخشوا يخبروك كيف خفقوها وبيش

اني خفقتها باداة خفق الحليب و البيض وهيا خفاقه صغيرة

بالبطاريات وماطولتش في خفقها

[لوتي]

تسلميلي لولو علي التشجيع الفقاعات بعد ما حطيت الكريمة غطست وطلعت فقاعات وإن شاء الله عندي محاولات تانية