[ الدرس الخامس ] في دورة كوني فنانة الرسم علي الكباتشينو

[luba]

السلام عليكم

لوبا

جربت اليوم اني انطبق بالكريمه بس محاولتي هذه باءت بالفشل الذي حصل انه لم تتكون رغوة
ماحدث كالتالي تكونت رغوته الكابتشينو المتعوده عليها كثيفة وبعد ذلك ضفت من خليط الكريم كان ثقيل فغرق داخل الكابتشنو ثم زدته حليب و اصبح قوامه خفيف وضفته علي الكابتشينو بس الرغوه كانت خفيفه لدرجه انه الرسم لم يكن واضح

ممكن تقول لي السبب لو سمحتي بارك الله فيك
وكذلك شنو قصدك تترك فيها كمية ماء بسيطه

ام خديجة اسفة علي الاطالة في الرد كيف حالك وحال عويلتك

نجو للدرس : س: الكريمة شن نوعها اللي استعملتيها ؟

بالنسبة للكريمة المستعملة في الدرس كريمة تشبه الدريم ويب واااجد لانها نوعيه ماتتماسكش هلبه

واني خلطتها مع ماء ساخن جدا قطرات قليلة لو كانت كتافتها هلبه اضيفي قطرات وحركي

ولو كتافتها خفيفة اضيفي بودرة

يعني لو بقت كمية من الحليب او الماء الساخن كمية ماتحركت مع الكريم عادي تهزي الطبق الكريم وتسكبيه ولو ما صار ضيفيها بالملعقة

اني ما صارتش معاي هالحركة انها غرقت مش عارفة كيف صار معاك هكي ممكن انت دايرتيها تقيله واجد كيف متاع الكيكات تكون

خفيفة ورطبة مش متماسكة هلبه ومش كيف الكيكات

ان شاء الله تزبط معاك وطمنيني شنو يصير معاك وياريت لو حد تاني يطبق معاك بالكريمه بيش نعرفوا كيف صار معاكم

ان شاء الله تزبط معاك بالشوية عليك وماتكتريش كريمه في العمل ربي يوفقك ام خدوجة في انتظارك وكل ما تفشل معاك او تنجح خبريني

[luba]

اهلين بالصابرة كيف الحال
تطبيق حلو وبدلية رااائعة .... بس ماقلتي هل انت مستعملة كريم او لا ؟

تطبيق حلو وخصوصا اول كوب طالع معاك لونين حلوات حتي ولو بقوا بدون
رسم منظرهم قنين وجاية الدائرة علي جنب سمحه اللقطة تسلم ايديك وبارك الله فيك

انت وام خديجة علي المجهودات المبدوله وربي يوفقكم دائما للاحلي والاعلي

[ترهونيه حره]

تسلم الايادى تم الحفظ وجارررررى التطبيق

[حبيبتهم]

تسلم ايديك يا لوبا عالدرس الحلو
بس الله غالب توا مانقدرش انطبق وانتي عارفة السبب
ان شاء الله انطبق قريبا كان قدرت

[أم خديجه]

بارك الله فيك لوبا
نوع كيريمتي كريم شانتي
وفعلا الي غطسط كانت ثقيله
وبعدها خففتها بس كان من الصعب اني نرسم عليها
لانها كانت كيف الفقاقيع كل ما انحاول نرسم تختفي

هي بالضبط زي الصورة هذه لاختي الصابرة بس الصابرة شكلها سريعه رسمتها قعدة باينه





اتحسها مش رغوة كتيفه حتي لو حركتيها تقدري ترسمي مرة اخري عليها

ان شاء الله انحاول مرة اخري قريبا

[الصابرة]

لوبا
اني استخدمت حليب الباكو سخنته وخفقته في الكوب اليدوي
والحق كريم مش متوفر عندي
وخلاص طالما عجباتك فكرة اللونين هنعتمدها ساهلة
وجت على جنب لاني درتها بطريقة السكب

وهذه صور تطبيق اليوم لكن الحق استسهلت اشوي
وعندي خوتي ودرت ليهم حروف اسمائهم الاولى













وهنا استعجلت شوي ماطحنتش النسكافيه كويس

[الصابرة]

هذين محاولات اليوم

هنا دايرة روحي بعد مالوبا عجبتها الرغوة جاية على جنب اني بندير شكل ثاني
فخليتها خل هههههههههه










وهذه رقعت الموضوع































وطبعا شكلت الرغوة باستخدام الملعقة في الصورة اللي درت بيها الفراشة

[luba]

تسلم ايديك مااااشاء الله فكرة حلوة متاع الفراشه

ربي يعطيك الصحة و فكرة الحروف ساهله وبسيطه وقنينه لو الواحد مستعجل و هلبه الحاضرين

افكار سمحة وتطبيق رااائع بارك الله فيك اسعدتيني بتطبيقك الاحلي من الاصل

بس لو حصلتي كريم ياريت تجربي مع ام خديجة في المشكله اللي صارتلها ماصارتش معاي

لانه البنات اللي في الدورة نقصوا



حبيبتهم عادي حبيبتي ولا يهمك اهم شي صحتك وربي يقومك بالسلامه

[الصابرة]

باهي اللي عجبك لوبا

وان شاءالله توا نبعث على كريمة وانجربها وانقولك

[barney]

بارك الله فيك لوبا علي مجهودك

ان شاء الله جاري التنفيذ والتقييم