[مكرونة بالمفروم] من مطبخ أم تغريد

**ام تغريد** · 01-24-2013, 11:37 PM

السلام عليكم ورحمة الله وبركاته

مكرونة بالمفروم

طريقة عمل المفروم

نقطع راس بصل اخضر حسب الرغبة المقدار مانتقيدش بيه

طماطم اخضر \\ فلفل اخضر

اولا نحط الطنجرة علي النار ونصب الزيت نخليه ذوب ما يسخن

ونصب البصل خليه يذبل شوية

بعد ما يذبل البصل شوية نحط اللحم عليه ونغطي الطنجرة لين يطيب اللحم شوية ولازم تكون النار هادئة

وبعدها نظيف الطماطم والفلفل ونخليهم يطيبو كويس

نحط ملعقة طماطم حكة ونص ملعقة فلفل احمر ونص ملعقة بزار وشوية زنجبيل وقرفة وفلفل اسود

وحركيهم وصبي عليهم شوية مية وخليه لين يطيب وبعد مايطيب في الخمس

دقائق الاخيرة نحط البازيليا لاني نحبها هلبة مع المفروم فنكثر منها

وفي هذا الوقت نكون مجهزة المكرونة المطبوخة اي نوع تفضليه والافضل

مع المفروم سباقيتي خفيفة وحلوة ندهنها بشوية دهان من المفروم نحببها

ونحط المفروم حسب الرغبة ونرش عليها الجبنة وزي ما طالع في الصور الجبنة هلبة ايحبوها العويلة

وكان فضل من المفروم يجي نفاص روووووووووووعة صورته لكن الصورة مش عارف وين حاست

والف صحة وعافية

**رميساء** · 01-25-2013, 12:02 AM

السلام عليكم
بالعافية عليكم
تسلمي على الشرح والصور
مشكورة
ممتارة
جاري التقييم

**ميرولاكى** · 01-25-2013, 12:36 AM

الله يسلم دياتك مكرونه تسهههههههههههف
ونحبها بالطريقه هذى خاصة لو الجبن بارميزان
صحتين والف عافيه على قلوبكم

**الصابرة** · 01-25-2013, 12:56 AM

سلم دياتك ويعطيك الصحة
شكلها مشهي

**المصراتيه** · 01-25-2013, 07:26 AM

ماشاءالله
مكرونه تهبل
يعطيك الصحه وربي يسلم هاليدين
تستاهلي احلي نجووووم

**luba** · 01-25-2013, 06:07 PM

اهلين بام تغريد نورتينا عاش من شافك

و مااااشاء الله مكرونة تاخد العقل تسلم ايديك

بارك الله فيك علي الشرح الكافي الوافي والصور الحلوة

والطبق الرائع تم التقييم ليك وللموضوع