[ مشاركة في مسابقة مبدعة المعجنات 2013] الفطيرة بعجينة الباف من مطبخ أم عبادة الليبية

[أم عبادة الليبية]

فطيرة بعجينة الباف

هذه طريقة سهلة جدا للفطيرة تجي خفيفة وطبقات تشبه الفطيرة المغربية .






عبارة على عجينة باف جاهزة , تأخدي كل مربع وتمديه بالنشابة بعد ماترشي عليه شوية دقيق حتى تصبح العجينة رقيقة .

وبعدين تسخني طاوة تيفال وتحطي شوية زيت زيتون
, وتحطي مربع العجينة المفرود , والنار تكون متوسطة .

بعد ماتتحمر الجهة الأولى تقلبيها , يعني نفس طريقةالفطيرة العادية , بس ماتكتريش زيت لأن العجينة فيها زيت .










تقدم بوضع قليل من النوتيلا والعسل وتلف وأنا هكي درتها بس ماصورتهاش للأسف , أوتحشى جبن أو أي حشو حلو أومالح , وتأكل مع الشاي وبالهناء والشفاء .


للأمانة الطريقة وجدتها في الفيس , وطبقتها اليوم يعني سخووووووونة وحبيت نشارككم بيها .

أنا عارفة إنها حاجة بسيطة ومش قد المسابقة ولامشاركاتكم الحلوة فيها , بس حبيت نكون إيجابية ونشارك ولو بشئ بسيط في مسابقات المنتدى .

[نسمه ليبيه]

الله عليك ام عباده ماشاء الله فكره حلوه وماتستهينى باى حاجه اى فكره تلاقيها حطيها لانها مرات تكون الفكره عندك من زمان لكن غيرك اول مره يشوفها

زيى انا اول مره نعرف ان الفطيره ممكن نديرها بعجينة الباف

الله يبارك فيك وبالتوفيق فى المسابقه

ومنى احلى تقييم

[المصراتيه]

ماشاءالله علي المنظر تسهههف
يعطيك الصحه وفكره حلوه وسريعه
بارك الله فيك علي المشاركه الرئعه
واكيد للتقيم

[أم خديجه]

تسلم ايديك ام عباده
اتهبل عجينة الباف من غير كوشه
ما شاء الله عليكي



تم التقييم

[رميساء]

وعليكم السلام ورحمة الله

تسلمي علي المشاركة
فكرة جديدة فطيرة الباف
مشكورة
بالعافية عليكم
منورررة
جاري التقييم

[لوتي]

مشاركة حلوة منك يا أم عبادة وجديدة عليا أول مرة انشوف فطيرة بعجينة الباف تسلم إيدك أحلى تقيييم

[luba]

تسلم الايادي ماااشاء الله

صح بسيطة ولكنها قيمة ومفيدة جداااااا ورائعة

واضافت للمنتدي الكتير بارك الله فيك

تم التقييم ليك وللموضوع

[حبيبتهم]

تسلم ايديك يا ام عبادة
وصحتين عليكم
تم التقييم ليك وللموضوع

[أم عبادة الليبية]

الله عليك ام عباده ماشاء الله فكره حلوه وماتستهينى باى حاجه اى فكره تلاقيها حطيها لانها مرات تكون الفكره عندك من زمان لكن غيرك اول مره يشوفها

زيى انا اول مره نعرف ان الفطيره ممكن نديرها بعجينة الباف

الله يبارك فيك وبالتوفيق فى المسابقه

ومنى احلى تقييم

وفيك بارك الله نسومة , وإنتي الأحلى حبوبة ومرورك أحلى تقييم .

[أم عبادة الليبية]

ماشاءالله علي المنظر تسهههف
يعطيك الصحه وفكره حلوه وسريعه
بارك الله فيك علي المشاركه الرئعه
واكيد للتقيم

وفيك بارك الله المصراتية , الله يسلمك وإنتي الأروع ياغالية .