الهدرزه الليبيه 8 اتفضلوا مرحبتين بيكم خشو برجلكم اليمين

[أم إيناس3]

شن ام عمورى مزال عاد غاطسة فى العسل ههههههههههههههه

[sema]

السلام على اهل الدار
كيف حالكم يا عويلة

[ام عبود]

سلامات صبايا كيفكن جميعا ان شاء الله مبروك علينا وعليكن بس انا خاطرى فى طاسه شاهى باللوز يكون شاهى العاله والله زمان عليه يفكرنى فى الاعراس الليبيه الحلوه وكان نقولكم من يوم جيبت الامارات من 11 سنه ما حضرتش غير 4 اعراس هههههه الله ايامات ليبيا كل اسبوع عرسين ثلاثه ومش ملحقين هيا الفالحه فيكم تمدلى طاسه شاهى من ايدياتها الحلوين

[سنابل]

السلام عليكم ورحمة الله وبركاته
كيف حال الحلوين ومبروك عليكم الدويرة الجديدة
اللي بنتها فايحه بالورود
ونقوللكم إيجيب ماإيجيبب الوقت ------عندي أعزاز ما إيجيب كيفهم
سلامي للجميع

[sema]

والله عندك حق وخيتي
توا الاعراس قريب كل يوم لين عيينا منهم


وهذي طويسة الشاهي يا غالية صحتين وعوافي على قلبك

[سنابل]

هيا أتفضلي وصحتين على قلبك يالغالية ما تمشي في خاطرك وأني موجودة

[ام عبود]

اخت سيما اخت سنابل والله ما قصرتوا ان شاء الله فى فرح الصغيويره وسلمكم جياب وعليكم حجاب مش هكى تقولوا بالليبى صح والا لا

[sema]

صح وخيتي هكي نقولو

الله يسلمك ياغالية ما يقعدش في خاطرك ياحنا

[نعومي نت]

السلام عليكم
كيف حالكم اليوم
أم إيناس
بنوتة صيدلانية
سنابل
sema
إن شاء الله بخير
ما شاء الله شورا طويسة الشاهي واتيا قبل اني نبي إنضيف ام عبود
لكن ما شاء الله اللي يسبق يهني

[نعومي نت]

كيف حالك ام عبود سامحيني
ما نحسابكش موجود ة
ما شاء الله ليبي مسكر اتقولي عليك ليبية اباً عن جد