[ مشاركة تشجيعية في مسابقة تجهيزاتك المطبخية لشهر رمضان والعيد ] حفظ اللحم المفروم بطريقة الرول من مطبخ لوبا

**luba** · 06-24-2013, 06:53 PM

السلام عليكم ورحمة الله

حفظ اللحم المفروم بطريقة الرول

هذه الطريقة من افكاري

وتكون لها فائدة كبيرة للاخوات اللي ماعندهمش اماكن كبيرة

زي الفريز الكبير فتنفع للاماكن الضيقة وكدلك تكون نوع من التنظيم

ناخد نايلون افضل او سلفر

ونضع فيه اللحم المفروم و نعصجة زي المقروض

ونلقه عليه النايلون مع الضغط ونسكر من الجوانب زي تسكيرة

حبوب الحلوة وبقوة

ويمكن تخلطي معاه البصل المفروم وبعدين تقليهم مع بعض علي طول

نخليه في الفريز حتي يتماسك شوية ممكن ساعه او اكتر شوي

نخرجه من الفريز و نقطعه وهو متماسك وادا متماسك هلبه

تخليه يفتر شويه وبعدين تقصيه الي قطع ما يناسب وجبتك

وتخليهم كلهم مع بعض في كيس واحد او تقسميهم علي اكياس

بحيت ماياخد منك هلبه اكياس

وحتلقي كل طرف بروحه تستعمليه لوجبتك

وهكي توفري علي نفسك زحمة الفريز وكتر الاكياس و اللخبطة

ان شاء الله تعجبكم وتلقوا فيها الفائدة

**زوبة الطيوبة الحبوبة** · 06-24-2013, 09:51 PM

فكرة حلوة وممتازة يعطيك الصحة عليها
تنفع بالذات توا مع زحمة الفريز في رمضان
بارك الله فيك لوبا ...

**luba** · 06-24-2013, 10:27 PM

وفيك بارك الله زوبة اسعدني مرورك

ووجودك الدائم بيننا

**أم عبادة الليبية** · 06-25-2013, 04:37 AM

بارك الله فيك لوبا على الأفكار ,, وطريقتي أنا بعد مانقسم المفروم إلى وجبات , نكور كل وحده وانحط كل كورة في كيس صغير في الفريز وحتى هيا طريقة عملية .

**المصراتيه** · 06-25-2013, 11:36 AM

وعليكم السلام
فكره ممتـــــازة ورائعه جدااااا وجاري تطبيقها
بارك الله فيك ويرحم ولديك
لكي احلي تقيم

**الصابرة** · 06-25-2013, 01:28 PM

بارك الله فيك وفعلا فكرة حلوة وسهلة

**أم خديجه** · 06-25-2013, 01:30 PM

بارك الله فيك لوبا
فعلا زي ما قلتي للثلاجته صغيره

**أمـ ساره** · 06-25-2013, 02:34 PM

بارك الله فيك على الفكرة الحلوة والمميزة

فعلاً الحاجة أ الاختراع لوبا

تم التقييم ليك وللموضوع ان شاء الله

وان شاء الله الفكرة قيد التطبيق

**luba** · 06-25-2013, 05:31 PM

المشاركة الأصلية كتبت بواسطة أم عبادة الليبية

بارك الله فيك لوبا على الأفكار ,, وطريقتي أنا بعد مانقسم المفروم إلى وجبات , نكور كل وحده وانحط كل كورة في كيس صغير في الفريز وحتى هيا طريقة عملية .

وفيك بارك الله ام عبادة ربي يخليك وحتي اني كيفك بس مانكور فيهم
نفرد فيهم عادي في كيس صغير
غير هادي خطرت عليا فجأة
لانه بعض البنات في الخارج ماعندهم الفريز الكبير