[ مشاركة تشجيعية في مسابقة تجهيزاتك المطبخية لشهر رمضان والعيد] حفظ الاعشاب الخضراء من مطبخ لوبا

[luba]

السلام عليكم ورحمة الله وبركاته





نصيحتي ليكم عن كيفية حفظ الاعشاب الخضراء



كيف تحفظوها لمدة طوووووويلة


وتبقي خضراء وكأنك بالامس حفظتيها في الفريز


طبعا بعض تفرمي اي نوع من الاعشاب


متلا الكسبر او المعدنوس او النعناع


تغسليهم وتصفيهم كويس من الماء


نصحيتي انك تحطيهم في حافظات بلاستيك اللي فيهم اقل نسبة نايلون

ماتكون كيس نايلون او حافظة نسبة النايلون فيها هلبه هما اللي يخلوا في الورق اسود


وتكون غطائها قفلها مضمون وقوي

اما حافظة البلاستيك يقصد بها نفسها النايلون ولكن

غير نسبة النايلون تختلف حسب الصناعه

اما الحافظات اللي اقل نسبة النايلون فيها تلقي عليها مرسوم متلت فيه رقم 5

ونفضل في الاستعمال اللي تحسيهم حافتهم رقيقة

و ديمة غطائهم يكبس كويس وتحسيه شفاف

اكتر من الموجود فيهم نسبة النايلون ومن الانواع اللي كنت في ليبيا نحفظ فيهم

وتمام ونتيجتهم كويسه اللي تقدري تستعمليهم حتي للميكروويف هدومة كويسات



بعد تحطي فيها متلا المعدنوس تسكريها بالغطاء و تقلبيها علي راسها


بيش المية اللي مازال فيها تنزل جهة الغطاء و بعد شوية نفتح عليها


فتحة صغيرة وهيا مقلوبة وطلعي المية منها لانه المية ماتخليش يكون هواء بين الاوراق


وهكي حتي يكون سهل اخد الكمية اللي تبيها بدون تعب


وهدي صور معدنوس انقرض فيه كميات كبيرة لعدم توفره دائما

ونكره التقعميز عليه كل مرة

هادي احد الحافظات ليها في الفريز اكتر من شهرين

اندير بيهم حتي في العصبان عادي سهل تاخدي منهم بالطريقة المدكورة و تستعمليها وكانها فريش

[أم عدى]

بارك الله فيك

[ميرولاكى]

الله يسلم دياتك
نفس طريقتى بس ماكنتش نقلب فيها الحافضه
ونديرحتى فى البصل الاخضر بنفس الطريقه
بااااااااااااارك الله فيك على النصيحه الحلوووووووه

[الصابرة]

مشكورة وبارك الله فيك
نصيحة حلوة ربي يسلمك يارب
لك احلى نجوم

[بنت حواء]

مشكورة على النصيحة الرائعة
أنت قلتي مش أي حافظة كأنك تحكي على نوع معين
سؤال: كيف نعرف نوع الحافظة الصح؟
تسلمي ولك 5 نجووووووووم

[المصراتيه]

ماشاءالل عليكه
ديما وانتي معبيه افكار ربي يحفضك
حلوووه الفكره بارك الله فيك ويعطيك الصحه
والتقيم للاسف مباش يدهب

[زوبة الطيوبة الحبوبة]

تسلمي علي هالمعلومة المفيدة والممتازة .. يعطيك الصحة عليها .. ولك احلى تقييم

[أم عبادة الليبية]

ماشاء الله فكرة عملية وحلوة , وفعلا غسل وفرم المعدنوس يوميا بالذات في رمضان يملل , وماشاء طالع تقولي طازج ,, بنسألك عالحفاظة البلاستيك هي نفسها النايلون ولا كيف مفهمتش ,, وربي يبلغنا رمضان بأمن وسلام .

[luba]

بارك الله فيك

وفيك بارك الله اسعدني مرورك

[luba]

الله يسلم دياتك
نفس طريقتى بس ماكنتش نقلب فيها الحافضه
ونديرحتى فى البصل الاخضر بنفس الطريقه
بااااااااااااارك الله فيك على النصيحه الحلوووووووه

الله يسلمك وكل شي اعشاب ولونه اخضر بنفس الطريقة

وفيك بارك الله اسعدني حضورك