[ مشاركة في مسابقة تجهيزاتك المطبخية لشهر رمضان والعيد] مشترياتي من مطبخ الصابرة

[الصابرة]

هذه مشترياتي البسيطة اتمنى ان تجدوا فيها مايفيدكم
طبعا مش كلهم مرة وحدة شريتهم كل مرة اشتري حاجات حتى
اكملت ما احتاج له

طواجين سيلكون حجمها صغير لاستعمالها في تشكيل الشوكلا



قوالب سلة حجم كبير شوي على شكل بيضاوي



طواجين التشيز كيك 3 احجام مع بعض تيفال



قوالب سيلكون على شكل قلب لعمل الكب كيك



صحون زجاجية



صحون صغيرة زجاجية لتقديم الزيتون والمسير والمخللات



فازوات زجاج للحفظ



2 طاجين فخار حراري حجم صغير لعمل السوفليه




طواجين صغيرة لعمل الميني كيك لان حجمهم اكبر شوي من الكبك كيك



2 مترد مربع الشكل



12 صحن لتقديم الكيك



كيس حلواني قماش لتزيين



ملعقة ايس كريم




طاجين تارت يفتح من تحت



حافظات بلاستيك طبعا لاغنى عنهن



مطرقة صغيرة الحجم لاستعمالتي المطبخية
وقطاعة بيتزا وفرشاة سيلكون شاريتهم لي وخيتي



2 طاجين كب كيك على شكل قلب



اتمنى ان تجدوا الافادة في مشترياتي

[أمـ ساره]

ماشاء الله صبورة مشترياتك كلها اتهبل

حلوة وعملية ونستحقوها هلبة هلبة

تبيديهم بالهني وخيتي وبجد عجبوني

وخاصة خاصة قوالب السيليكون اشكالهم مميزة وما قابلتني

تستاهلي النجوم كلها

[الصابرة]

ان شاءالله ام سارة ومشكورة على مرورك حبيبة

وبالنسبة لقوالب السيلكون اللي على شكل قلب الصراحة خذيتهم من محل في زليتن

ام الطواجين فخذيتهم من صفحة على الفيس

[luba]

ماشاء الله تبيديهم بالهني كلهم حلوااااات ويهبلوا
واكتر شي عجبني طواجينك كلهم
نبي نسأل من وين لقيتي 3 احجام طاجين التشيز كيك
والباي المتحرك
تم التقييم

[رميساء]

صابرة ما شاء الله علي المشتريات
كلهم عجبوني وخاصةً سليكون متاع الشكلاطة
وشكراً علي الصور
منورة

[المصراتيه]

ماشاءالله يا صبوره كلهن يهبلن وخصوصا هدينا قوالب السيليكون
قوليلي بقداش سعرهم
تبيديهن بالهني وكل رمضان وانتي والعيله بخير
ينعاد عليكم ان شاءالله

[أم عبادة الليبية]

ماشاء الله مشتريات حلوة وكلها مهمة , وعجبني حتى أني طواجين التشيز كيك بأحجام مختلفة وقوالب السليكون القلوب ,, ويارب تتهني بيهم وربي يبلغنا وإياك رمضان بخير وفرح وسرور ...

[الصابرة]

امين يارب
ومشكورات وخياتي اسعدني مروركن

لوبا
طاجين التارت والتشيز كيك من زليتن محل السندباد
كان جيتي لليبيا ضروري اديري عليه طله في حاجات مش عادية
ومستحيل تلقيهم حتى في طرابلس

ميمي
سعر الواحد 3دينار ونص يعني الثلاثة 10ونص

[زوبة الطيوبة الحبوبة]

ماشاء الله كلهم حاجات مفيدة في المطبخ ... تعيشي وتشري وتبيديهم بالهناء أن شاء الله ..

[بنت حواء]

ماشااااااااااااااء الله مشتريات روووووووعة كلها على بعضها تهبل
وخصوصا الفازوات والطواجين متت عليهم
كلها الحاجات هذي من زليتن؟ ومن نفس المحل؟
تسلمي ياحبوبة وتبيديهم بالهناء ان شاء الله
وكل عام وأنت بخير