[ مشاركة تشجيعية في مسابقة تجهيزاتك المطبخية لشهر رمضان والعيد] مشترياتي لشهر رمضان المبارك من مطبخ أمـ ساره

**أمـ ساره** · 07-09-2013, 02:30 PM

السلام عليكم ورحمة الله وبركاته

هذه مشتريات جديدة حبيت نوريهالكم وان شاء الله تعجبكم

عارفة بتقولوللي ما تتعبي من الشري وكله زايد

لكن الحق لما نشوف حاجة تعجبني ونعرف اني نستفيد منها

نشريها في رمضان أو غير رمضان لأنها بتقعد

ونلقاها ديمة ان شاء الله

بسم الله نبداً

مجموعة حافظات

الأولى بصراحة عجبتني وبقوة

وكنت بنشريها ولما شافتها عزوزتي خذت منها 10 5 ليها و5 ليا

قالت لي هدية منها وهي حافظة مكعبات الثلج

سعرها بـ 2,5 والمغطة سيليكون وفيها فتحة زي ما تشوفوا

وهذه حافظة للسوائل شرتها عزوزتي وحسبتني معاها

هي واخذتها للزيت تحطها فيها وخاصة الزيت متاع القلي

واني حطيت فيها العصير بعد ما نفتحه

نحفظها فيها أضمن وأحسن من الباكو

وهذه حافظة للحبوب والبقوليات شريتها

للكورنفلكس لبناتي عملية

وتسكيرتها كويسة ما تفتح بالساهل بـ1,75

وهذه 3 حافظات مش بلاستيك نوعية عادية

لكن المغطة سيليكون وتتسكر كويس لحفظ بواقي الطعام

أو السلطات أو الاجبان فيها بـ 3,75

وهذا صفاي لغسل الخضار والفواكه بـ 2,5

وهذه سفرة تقطيع الخضار حجم صغير

وملعقة (اسبايتولا) لكريمات والكيك

وكيس تزيين الكيك

وهذ طواجين 3 مع بعض تقريباً بـ 10 دينار

وهذا طاجين للتارت أقل ارتفاع من طاجين الكب كيك

وهذه كوؤس للعصير لقيتها

بـ 5 دينار بعد التخفيض وخذيت منها 6

ورمضان مبارك على الجميع

وربي يتقبل منا ومنكم يارب

وكل عام وانتم بخير

وكل رمضان وأنتم الى الله أقرب

**أم خديجه** · 07-09-2013, 02:55 PM

اتبيديهم بالهناء
سلملك عزوزك تحسب فيك
عجبوني كلهن عمليات

**نورية المصراتية** · 07-09-2013, 03:13 PM

ﻣﺎﺷﺎﺀ ﺍﻟﻠﻪ ﺗﺒﻴﺪﻳﻬﻢ بالهني

**رميساء** · 07-09-2013, 03:20 PM

وعليكم السلام
ماشاء الله علي المشتريات
عجبتني هلبة حافظة مكعبات الثلج
وشكراً علي التفصيل كل حاجة لي شني والسعر
مشكورة وااااااااجد
تسلمي
جاري التقييم

**luba** · 07-09-2013, 04:08 PM

كلهم حلوات ومهمات ومفيدات
بارك الله في عزوزتك ربي يعطيها الصحة
ومشكورة علي المشاركة الحلوة والتفصيل بمشترياتك
اكتر شي لفت انتباهي وعجبني
طاجين التارت الكامل مانحساب في منه زي الكب كيك في مرة
تم التقييم

**ميرولاكى** · 07-09-2013, 04:13 PM

ماشاء الله مشتريات حلوه وعمليه
تبيدين بالهنااااااااااء

**نسمه ليبيه** · 07-09-2013, 05:07 PM

مبروكات ان شاء الله وانت شن جبتى لعزوزتك..؟ وكل عام وانت بخير

**بنت حواء** · 07-09-2013, 05:25 PM

ماشاااااااء الله أهما روووووووووعة
نبي منهم مادخلنيش قوليلي من وين شريتيهم؟
وحتى شيش العصير روعة وكلها على بعضها مشتريات تهبل
تبيديهم بالهناء وربي يسلم ويحفظ عزوزتك الطيوبة
لك 5 نجووووووووووم

**الصابرة** · 07-09-2013, 05:25 PM

مشاركة حلوة
تبيديهن بالهناء وربي يسلملك عزوزتك يارب
والحافظات عجبوني هلبة
طبعا اني ماعنديش الروح مع حاجة اسمها حافظة

**أمـ ساره** · 07-10-2013, 03:52 AM

الله يسلمكن ويهنيكن ويبارك فيكن يارب

وربي يتقبل منا ومنكم صالح الاعمال

مشكورات لمروركن الحلو وكلامكن الطيب

بنوتة بالنسبة للمكان في سوق الجمعة صالة اسمها ست البيت تقريباً أو ست العيلة ما نتذكر

نسومة هههههههههههه محلاك انتي والقصقصة متاعك ما نبيش نقول هههههههههه

لوبا لو تروحي حـ تتفاجئي بالحاجات الموجودة اهني

صح مرات الاسعار برا أرخص شوي لكن بجد أغلب الحاجات متوفرة

وبسرعه ما تنزل السوق ربي يرجعك سالمة غانمة يارب

صبورة تعالي نصاحبك حتى اي زيك واحرف منك

لو نصورلك الحافظات الي عندي هذا كاه ومازال ناقصيني ادمااااااااااااااااان حاشاك

الموضوع: [ مشاركة تشجيعية في مسابقة تجهيزاتك المطبخية لشهر رمضان والعيد] مشترياتي لشهر رمضان المبارك من مطبخ أمـ ساره

أدوات الموضوع

عرض

[ مشاركة تشجيعية في مسابقة تجهيزاتك المطبخية لشهر رمضان والعيد] مشترياتي لشهر رمضان المبارك من مطبخ أمـ ساره

معلومات الموضوع

الأعضاء الذين يشاهدون هذا الموضوع

المفضلات

المفضلات

ضوابط المشاركة