[ تمت الاجابة ] ساعدوني بأفكار لولادتي

[ام علي]

ولادتي بعد 3أشهر ومش عارفة شن أنقدم وكيف نبي طريقة حلوة وأذا ممكن نبي صور لماعين تقديم _العصير يعني صفرة _ولتقديم الشوكلاتة والحلو والمناديل وايش ممكن أقدم حلو مع العصير والشاي المهم نوروني انا من زمان ندور في منتدى ليبي بالشكل هذا و الكلام بالفلاقي الليبي الحلو منورين وسامحوني

[زينب محمد]

حبوبة الله يتمم حملك على خير و يقومك بالسلامة

ادخلي معرض الديكورات المطبخية

ان شاء الله تجدي فيه طلبك

[أمـ ساره]

ربي يتمملك حملك على خير وتولدي بالسلامة يارب

وماشاء الله الاخوات ما قصروا

[ام اسر]

السلام عليكم كيف حالك اختي ام علي وربي يتمم حملك علي خير
بالنسبه ليا كيف والده من 26 يوم والحمد لله ودرت لمات يعني كل مره مجموعه مره الاهل ومره الجيران ومره الاصحاب المهم طبعا اول حاجه الشكلاطه ومعها عصير الحبيبيات مديته في الحكه امتاعه من غير طواسي يعني كل واحد وحكته وبعدين رزاطه وعبمنبر وبعدين العشاء يومين كان رشدة كسكاس ومعاها سلاطه ومخلل والمشروب والفاكه و3حاجات حارات ومره درت رز ابيض وسلاطه ملونه وسلاطه مشويه و4حاجات حارات
وبعد العشي امتاع الرز سلاطه فواكه وبعدين نسكافيه ومعاه طرف اكلير وهما طالعين وردة المكسرات وباكو البكلاوه .ان شاء الله بعد ايام انزل الصور
وربي يسهل عليك الحمل والولاده يارب

[ام الجميلات]

اقتباسالمشاركة الأصلية كتبت بواسطة ام اسرالسلام عليكم كيف حالك اختي ام علي وربي يتمم حملك علي خير
بالنسبه ليا كيف والده من 26 يوم والحمد لله ودرت لمات يعني كل مره مجموعه مره الاهل ومره الجيران ومره الاصحاب المهم طبعا اول حاجه الشكلاطه ومعها عصير الحبيبيات مديته في الحكه امتاعه من غير طواسي يعني كل واحد وحكته وبعدين رزاطه وعبمنبر وبعدين العشاء يومين كان رشدة كسكاس ومعاها سلاطه ومخلل والمشروب والفاكه و3حاجات حارات ومره درت رز ابيض وسلاطه ملونه وسلاطه مشويه و4حاجات حارات
وبعد العشي امتاع الرز سلاطه فواكه وبعدين نسكافيه ومعاه طرف اكلير وهما طالعين وردة المكسرات وباكو البكلاوه .ان شاء الله بعد ايام انزل الصور
وربي يسهل عليك الحمل والولاده يارب
ما شاء الله عليك ياام سيل منورة ديمة بطلاتك وربي يحفظلك بنياتك ويجعلهم من نصيبك وتفرحي بيهم

[ام الحلوين]

السلام عليكم كيف حالك اختي ام علي وربي يتمم حملك علي خير
بالنسبه ليا كيف والده من 26 يوم والحمد لله ودرت لمات يعني كل مره مجموعه مره الاهل ومره الجيران ومره الاصحاب المهم طبعا اول حاجه الشكلاطه ومعها عصير الحبيبيات مديته في الحكه امتاعه من غير طواسي يعني كل واحد وحكته وبعدين رزاطه وعبمنبر وبعدين العشاء يومين كان رشدة كسكاس ومعاها سلاطه ومخلل والمشروب والفاكه و3حاجات حارات ومره درت رز ابيض وسلاطه ملونه وسلاطه مشويه و4حاجات حارات
وبعد العشي امتاع الرز سلاطه فواكه وبعدين نسكافيه ومعاه طرف اكلير وهما طالعين وردة المكسرات وباكو البكلاوه .ان شاء الله بعد ايام انزل الصور
وربي يسهل عليك الحمل والولاده يارب

الحمدلله على سلامتك ام اسر ويتربى فى عزكم لكن معليشى بنت ولا ولدوماشاءالله عليك الله يمتعك بصحتك

[ام الجميلات]

اقتباسالمشاركة الأصلية كتبت بواسطة ام عليولادتي بعد 3أشهر ومش عارفة شن أنقدم وكيف نبي طريقة حلوة وأذا ممكن نبي صور لماعين تقديم _العصير يعني صفرة _ولتقديم الشوكلاتة والحلو والمناديل وايش ممكن أقدم حلو مع العصير والشاي المهم نوروني انا من زمان ندور في منتدى ليبي بالشكل هذا و الكلام بالفلاقي الليبي الحلو منورين وسامحوني ربي يتمم عليك بالخير في حملك وتفرحي بيه

[ليبيا قلبى]

حتى انا ولادتى بعد شهر تقريبآ
وهذا اول بيبي ليه
منقبل ولدت بنوته بعمليه قيصريه وبعدين توفت بعد الولاده بااسبوع

انشاء الله ياربى يكون من نصيبك
ومن نصيبي يارب

نصيحه لكى من توا كل مره اشرى حاجه من الموعين
اصلا اتجى كلها مع بعضها صعبه اشويه

من فتره اختى درات لمات ولادتها

فى البدايه قدمت شوكلاته وعصير
وبعدين قهوه ونسكافيه و4 انواع حلويات كلها شرتها من وحده ماشاء الله ايهبلن
وبعدين مشروب وموالح 7 انواع معاهن المثروده بمكسرات والعسل
ولقيتلك صوره فى النت هكى شكلها كان ماتعرفيهاش


وبعدين شاهى وكعك
وبعدها سلاطه فواكه
وبعدها مكسرات وسواك ولوبان
وهكى شكلها



انشاء الله فدتك بحاجه
وكل عائله لها عادات وتقاليد

[الجبليه]

ان شاء الله تنوضي بالف سلامه ان شاء الله انحطلك حاجه من صنعي فى قسم معرض الديكورات المطبخية انتظريني

هذا هو
http://www.libyan-kitchen.com/kitche...read.php?t=932

[ام ثواب]

ان شاء الله علي خير وسلامة وتربية علي ايدياتك