[ تمت الاجابة ] ساعدوني بأفكار لولادتي

[السمحة]

ان شاءالله على خير وسلامة

[أمـ ساره]

ربي يتمملك حملك على خير وتولدي بالسلامة يارب

وماشاء الله الاخوات ما قصروا

[ام الحلوين]

السلام عليكم كيف حالك اختي ام علي وربي يتمم حملك علي خير
بالنسبه ليا كيف والده من 26 يوم والحمد لله ودرت لمات يعني كل مره مجموعه مره الاهل ومره الجيران ومره الاصحاب المهم طبعا اول حاجه الشكلاطه ومعها عصير الحبيبيات مديته في الحكه امتاعه من غير طواسي يعني كل واحد وحكته وبعدين رزاطه وعبمنبر وبعدين العشاء يومين كان رشدة كسكاس ومعاها سلاطه ومخلل والمشروب والفاكه و3حاجات حارات ومره درت رز ابيض وسلاطه ملونه وسلاطه مشويه و4حاجات حارات
وبعد العشي امتاع الرز سلاطه فواكه وبعدين نسكافيه ومعاه طرف اكلير وهما طالعين وردة المكسرات وباكو البكلاوه .ان شاء الله بعد ايام انزل الصور
وربي يسهل عليك الحمل والولاده يارب

الحمدلله على سلامتك ام اسر ويتربى فى عزكم لكن معليشى بنت ولا ولدوماشاءالله عليك الله يمتعك بصحتك

[ام الحلوين]

يقومك الله بالسلامة ام على وعقبال مانحمدولك عالسلامة وبالنسبة للناس مهما ديرى مقصرة وربى يعاونك

[اناواخواتي]

اتنوضي علي خير وسلامة وان شاء الله خلاصك علي خيروالبيبي ايكون من قسمك
حبيبتي اول حاجة انتي شن بديري ارقيق ولا غليظ
مديري روزاطة وعبمبر ولا عصير بس في الي ايحط الزوز
بديري كيك ولا حلويات
في الصالة ولا في الحوش لمات ولا سبوع كبير في الحوش ناسك هلبة ولا شوية
هاهاهاهاهاهاه حلو التقصقيص لكن حبوبةام علي على فكرة حتى اني بكرتي اسمة عليحسب ناسك وعددهم وشن بديري سبوع ولا لمات انقولك شن بديري لانة كان مش هلبة اديري حاجات اكتر وكان هلبة في حاجات عادي تستغني عليهاومتخافيش محدش حيقول قصرت في حاجة
لكن الماير الاول شكلاتة وبعدها روزاتة وعبنبر وبعدهم الشاهي وشن بديري معاة كان حبيني حطي مكسرات كنهدا مش لازم وبعد العشي وممكن تستغني علي البكلاوة واديري حجيبات ولا اعشيشة وفي الي اصلا معادش ايديرو فيها
وكانك بديري حاجات امزينة ولا بنبنيري قوليلي بش انقولك شن اديري
وسلام