[ مشاركة في مسابقة حلوياتنا الليبية بين الماضي والحاضر ] مقروض دبل تمرة باللوز على طريقة زينب محمد من مطبخ لوبا

**luba** · 08-07-2013, 05:18 AM

السلام عليكم ورحمه الله

مقروض دبل تمرة

هدا المقروض من افكار خواتي مند اكتر من 15 سنه

استخدمت طريقة زينب محمد في عجينة المقروض

وهدا الرابط

[المقروض الليبي الرائع] من المطبخ الليبي لزينب محمد

كانت طريقتها رائعة وجاني مقروض بيها هش ولديد رغم انه كان نوع السميد عندي خشن
بارك الله فيك وجزاك الله كل خير

الحشو:

تمر عادي مفروم في مفرمة اللحم
لوز محمص في الفرن

طريقة العمل:

نضع التمر في مفرمة اللحم ونضيف عليه اللوز المحمص المجروش

يعجن التمر بقليل من زيت الزيتون

بعد عجن مقادير العجينه تترك ليلة كاملة

يبرم التمر على شكل اصابع طويلة

ناخد كمية من عجينة المقروض ونضع عليها الماء الساخن ونعجنها الي ان تصبح لينة

تعصج باليد علي طاولة العمل حتي تصبح طويلة

نفتح فيها اخدودين على طول العجينة ونضع في كل اخدود اصبع من التمر

نضغط علي التمر بالاصابع مع نقربهم علي حاجز العجينة الدي بينهم تم نقفل عليهم باقي العجينة ونبرمهم

وتكون جهة الفتحه في المنتصف الي اسفل تم تقطع بسكين حاد وتنقش بمنقاش الحلويات

تدخل الفرن

تخرج من الفرن ويوضع عليها قطر مغلي

تترك من يومين الى اكتر في القطر ودلك علي حسب نعومة السميد
تخرج من القطر ويقدم

كل عام وانتم بخير

**أمـ ساره** · 08-07-2013, 05:22 AM

ماشاء الله لا قوة الا بالله

فكرة اتهبل وشكلها مميز لوبا سلمت ايدياتك عليها

وربي يبارك فيك وفي خواتك وفي زينب محمد

ونصيبي أول وحدة خذيت الطرفيات

تاكلوه بالهني لوبا وربي يتقبل منا ومنكم

تم التقييم لك وللموضوع

**المصراتيه** · 08-07-2013, 09:41 AM

كل وحده تاخد طرف وهدا ليا
ماشااااءالله لا قوة الا بالله
سلم خواتك واحفظهن وفكرة تجننننن وان شاءالله جاري تطبيقها
بارك الله فيك علي المشاركه الاكتر من رائعه ويعطيك الصحه
زعم نحصلو منه
تم التقيــم واحلى نجيمات

**الصابرة** · 08-07-2013, 10:09 AM

ماشاءالله تبارك الرحمن
ربي يسلمك ويسلم زينب ويحفظ وخياتك يارب
وعجبني الاسم والشكل هلبة هلبة هلبة
وراجلي حيجبه خصوصا انه مدمن تمر ويموت في حاجة اسمها مقروض وكان انديره ليه
حيعجبه هلبة
ربي يسلمك ويحفظك ويعطيك ماتبي يارب
لك احلى نجوم وتقييم لو مشى ولو حتى مامشى ليا عودة ان شاءالله

**بنت حواء** · 08-07-2013, 12:34 PM

ماشااااااااااء الله فكرة روووووووعة
ربي يحفظ وخياتك
وبارك الله في زينب محمد
تسلم يديك وصحتين على اللي بياكله
لك تقييمي و 5 نجووووووووم

**تعزيز** · 08-07-2013, 05:34 PM

فكرة حلو حلو وشكلة ياخد العقل
انحبة المقروض ومنك زاد المحبة

ستلم ايدك وربي يحفظ اخياتك

لك احلى نجوم

**نجوي** · 08-08-2013, 05:46 PM

ماشاء الله فكرة روعة تسلم ايديك علي احلي مقروض تستاهلي كل النجوم

**barney** · 08-09-2013, 03:46 AM

ماشاء الله لا قوة الا بالله سلم ايدياتك وايديات اوخياتك وايديات زينب محمد وفعلا طريقتها روعه واني امجربتها منظره ايهبل ان شاء الله بالصحه ع قلوبكم وكل عام وانت بخير