[دجاجة محمرة ومحشية ] من مطبخ مهاجره ليبيه

[مهاجره ليبيه]

هلا وغلا

جبتلكم اليوم وصفه م تحت ايدياتي
ولن شاء الله تعجبكم
واضح من العنوان دجاجه محمرة ومحشيه بالرز

بالنسبه للحشو
عادي اطيبي رز بس لازم يكون نصف طياب ماتخليلش يطيب كويس
وطبعا اطيبيه في مرقه ماجي وتوابا اللي عندك وتحطي معاه لحم مفروم
وهدا شكله زي ماتلاحظوا مش طايب كويس

ونكونوا مجهزين الدجاجه اللي منحشوها
نغسلوها كويس بعدها نتبلوها بالدقيق والخل ونخلوها شويه
وبعدين نغسلوها بالميه
ونرشوا داخلها شويه اكليل وزعتر
ونحشوها بالحشوة اللي حضرناها

بعدها نسكروا الفتحه اللي حشينا بواسطتها نسكرها براس بصل
كما بالصورة

[/IMG]

نكونوا مجهزين على النار ماء فيه عودان قرفه
مش اختي راهو عودان تانيات وحبوب فلفل اسود مصححات وورقتين غار
ومكعب مرق ماجي واكليل وشويه ملح ونربطوا رجلين الدجاجه للامام
والجناوح الخاف بخيط غليظ شويه
وبعد ماتغلي المرق نحطوا داخلها الدجاجه
ونخلوها
لمده ساعه على نار هاديه

بعدها نصفوها برفق حتى تقعد متماسكه
ونحطوها في طاجين مدهون بالسمن
وبردوا نصبوا عليها شويه سمن من فوق
ورشيت عليها شوية توابل الدجاج ودخلتها للفرن
شويه دوب ما تتحمر
وهذه النتيجه

هده صونيه لقطوسه اللحم بنت اختي احساسي بيك

سوري كنت جعانه ومستعجله فالصورة طلعت مش واضحه كويس

ان شاء الله يعجبكم طبقي

وتكوني مجهزه