[كرات التونة بالارز] من مطبخ ام عبسي

**ام عبسي** · 09-13-2013, 01:54 AM

السلام عليكم ورحمة الله وبركاته

المقادير
كوب رز مطبوخ
نصف كوب جبن شيدر (اني استخدمت جبن المثلتات)
بصلة صغيرة مبشورة
نصف كوب جزر مبشور(اني استخدمت فلفل حلو)
علبة تونة مصفاة
بيضة واحدة
رشة ملح وفلفل اسود
توم بودرة

تخلط المقاديرالسابقة مع بعض اني طلعت الخلطة شوي طرية بسبب جبنة المثلتات ولكن اضفتلها خبزة مطحونة بيش نقدر نشكلها كرات

وبعد ما نشكل الخلطة السابقة كرات نغطسها في بياض البيض والخبزة المطحونة او كورن فليكس مدشش

طبعا حطيتها في الفريز قبل مانسخن الزيت اللي قليتها فيه وهذا شكلها بعد ما طابت

جربوها والله طيبة ودرتها ع الغداء مع طبيخة بامية وسلاطة مشوية وخبيزة تنور
هي تفضلوا معانا ع الغذاء

دمتم في حفظ الرحمن

**نسمه ليبيه** · 09-13-2013, 02:18 AM

الله عليك ام عبسي

طريقتها ساهله وجديده

وشكلها جميل
للتقييم فورا

**المصراتيه** · 09-13-2013, 04:59 AM

ماشاءالله لا قـــــوة الا بالله
تججججنن والسفره كلها روعه والتصوير ماشاءالله
خبزة تنور قتلتيني بيها قداش خاطري فيها
يعطيك الصحه وتسلم يدياتك جديده وحلوه وحنجربها بادن الله بس اكيد عادي نجرب التونة باللحم؟؟؟
تم التقيــــم

**أم خديجه** · 09-13-2013, 07:21 AM

ما شاء الله تسلم ايديك
فكرتها جديده عليا

**ام عبسي** · 09-13-2013, 09:41 PM

شكرا وبارك الله فيكن والله فرحتني بردودكن ومروركن الحلو
اختي ميمي ان شاء الله تردي لليبيا بخير وتاكلي من خبزة التنور ما يوجعك خاطرك
وبالنسبة للمفروم تقدري طبعا تحطيه بدل التن وحتي اني نبي نجربها بالمفروم
وتسلملي ياغاليات