استلمت من الاخت المصراتية رابط برنامج الفوتوسكيب وقمت بتنزيله بنجاح لكن واجهت مشكله في ادراج صوري للبرنامج حيث انها كانت بصيغة jpg وتم رفضها من البرنامج علما بان البرنامج يحول الصيغ من raw الي jpg ارجو الافاده.......
استلمت من الاخت المصراتية رابط برنامج الفوتوسكيب وقمت بتنزيله بنجاح لكن واجهت مشكله في ادراج صوري للبرنامج حيث انها كانت بصيغة jpg وتم رفضها من البرنامج علما بان البرنامج يحول الصيغ من raw الي jpg ارجو الافاده.......
ان شاءالله واحدة من الاخوات تساعدك لاني اني عمري ماوجهتني مشكله معاه
للأسف حبوبة اني مش مستخدماته
نزلته من النت لكن ما اشتغلت عليه لحد الآن
ان شاء الله المصراتية أو لوبا يفيدوك أكثر
لأنهم يستخدموا فيه
اللهم فرج على ليبيا واحقن دماء ابنائها
وابعد عنهم وعنها الفتن ما ظهر منها وما بطن
اللهم اهلك الظالمين بالظالمين وأخرجنا منهم سالمين
اني نستعمل فيه
وعادي ايحول في الصور اللي بصيغة jpg .jpeg عادي بدون مشاكل
اللهم اجعل بلدنا امنا مطمئنا وسائر بلاد المسلمين
ياريت اي اخت تستخدم في هدا البرنامج تشرحلي طريقة وضع الصور في البرنامج( الخطوة الاولي)حيث انه يظهر الصورة فارغة .
مع العلم ان صوري في الجهاز بصغية jpg ..
السﻻم عليكم
مش عارفه بالضبط شنو صاير معاك ﻻنه ماواجهتني معاه اي مشكله
كله تمام
الطريقة تحطي صورك في ملف و لو بتنزليهم علي مركز المنتدي يفضل تستعملي ترقيم
خاص بيك متﻻ مل صورة تغيريلها اسمها اديري كلك باليسار واديري اعادة تسمية rename
واديريلهم الكل كود خآص بيك تمشي بيه ديمه متﻻ nj 001 بدايه اسمك او اي حروف انت تحبيها وهكدا
Nj002 ...... nj 003 وهكدا حتي ماتخش وتتغير صورك في مواضيعك صور من اﻻخوات اللي يحملوا علي مركز المنتدي بدون
كود خاص بصورهم
تفتحي الفوتوسكيب تلقي علي جنب جهة اليسار يظهرلك شريط طوبل فيه ملفاتك اللي في سطح
المكتب وفي كل الكمبيوتر من ايقونات لو مش ظاهر تلقي سهم صغير علي جنب
اليسار في صفحة الفوتوسكيب في منتصفها تضغطي عليه ويظهر لك الشريط والسهم باهت في منتصف الصفحة علي جنبها
وتختاري ملفك من هدا الشريط يفتح تحته صورك في شريط عريض اضللي العدد اللي تبيه وتسحبيه للمساحة الفارغه في الوسط
وبعدين تمشي ليمين البرنامج وتختاري الاطار و حجم الصور ويفضل يكون 450 اظن يظهرلك 150% وتكتبي عليهم
من نفس البرنامج وربي يوفقك وان شاء الله نكون افدتك وسامحيني عالتأخير في الرد لظروفي ولي عودة لرؤيه ادا احتجتي اي استفسار اخر
ماشاءالله لوبا شرحاته حرف حرف
بارك الله فيها وفي كل البنات
كتبت وقد ايقنت يوم كتابتي..
بأن يدي تفنى ويبقى كتابها..
فإن كتبت خيرا ستجزى بمثله..
وإن كتبت شرا عليها حسابها..
الذين يشاهدون الموضوع الآن: 1 (0 من الأعضاء و 1 زائر)
المفضلات