[البسبوســــــه] من مطبخ نسمه ليبيه

[نسمه ليبيه]

بما انى من عشاق البسبوسه ونحب نجرب اى طريقه لها ببيض او بدون بيض بحليب

او زبادى.فيها دقيق او مافيها باضافة نكهات او لا

المهم نحب نعطيكم اطريقه هذى اللى تمشي بالسميد الناعم

المقادير

كوب سكر..كوب زيت..علبة حليب مكثف غير محلى الحجم الكبير(حكة حليب)

ملعقتين دقيق..ظرف خميرة حلويات

3أكواب سميد

واضفت من عندى ملعقتين زبدة الفول السودانى عطاها نكهه لذيذه






الطريقه

نخلط المقادير مع بعض




نضعها فى طاجين كبير مدهون بزيت ودقيق او طحينه

نضعها فى فرن مسبق الاشتعال

لما تبدا الاطراف لونها بنى اذا هى نضجت من اسفل

نشغل الفرن من اعلى حتى تتحمر

نطلعها وننقصها ونسقيها بشراب بارد

او العكس تكون البسبوسه بارده والشراب ساخن

وجربوها فعلا لذيذه

[دانية]

معقولة وين قرعتي مش نحن جارات كان حتى عزقتي طرف راهو وصل للحوش ...شكلها مغري

[نسمه ليبيه]

معقولة وين قرعتي مش نحن جارات كان حتى عزقتي طرف راهو وصل للحوش ...شكلها مغري

ههههههههههههههههههه صدقتى
ماجبتلك منها يوومتها

[حبيبتهم]

تسلم ايديك نسومة وصحتين عالبسبوسة شكلها روعة
مع اني مانحبش البسبوسة الا لما يكون فيها سمن مش زيت بس

جاري التقييم

[نسمه ليبيه]

الله يسلمك حبيبتهم

فكره اخرى حنجربوها بالسمن

بس عطينى وعد انك تنزلينا طريقتك

[الصابرة]

سلم دياتك ويعطيك الف صحة
لك احلى نجوووووووووووم

[أم خديجه]

تسلم ايديك
طالعه منك روعه
لك تقييمي

[نسمه ليبيه]

الصابره

ام خديجه


شكرا للمرور

[حبيبتهم]

نسومة اني طريثتي امنزلتها من شهر رمضان العام اللي فات

[نسمه ليبيه]

حبيبتهم اه صح اذكرتها وماشيه نشوفها توه

ومشكوره عالتقييم