ملل ملل ملل ليبيه مغتربه نبي نتعرف

**ام اميرولمار** · 10-10-2013, 06:28 AM

اهلين حبيباتي كيف حالكم جميعا انا عضوه جديده عندكم بس جديده بالتسجيل . ما في المتابعه لا فانا انتابع في المنتدى من زمان وحبيته وقررت اني اسجل فيه واكون عضوه في المنتدى الرائع والمفيد جدا والحلو فيه انا ليبي وانا من طبيعتي مننسجمش الا مع الليبيات وطبعا هدا اول موضوع ليا ويارب مايكون اخر موضوع وزي ماقلتلكم في العنوان اني ماله ماله وحابه اتعرف علي صديقات في المنتدى انهدرزو جميع ونستفيدو من بعض في الخبرات والتجارب ولو في يعني بعض مغتربات الصين هنا من كوانزو او منطقه اخرى حابه اتعرف عليها طماعه صح ههههههههههههههه بس والله الغربه مره واعره لما اتكوني بعيده عن اهلك وقرايبك اتحسي بال بالوحده علي العموم انا الراجي في الرد منكم ويارب ايكون موضوعي خفيف عليكم

في امان الله وحفظه

**كيميائيه** · 10-10-2013, 11:30 AM

اهلا بيك وانشالله ماتحسى بغربه وانتى فى هذا المنتدى على فكرة حتى انا جديدة لكن لازم افتح المنتدى يوميا لانه صار ادمان عندى وهيا ابدى ورينا ابداعاتك المطبخيه حتى لو حاجه بسيطه من مطبخك اليومى وربى يوفقك

**ام اميرولمار** · 10-10-2013, 02:23 PM

انشاء الله اختي كيميائيه وانا على فكره مستفيده منك في موضو ع بسكويت فريرو روشيه
ماشاء الله عليك وشكرا علي الرد حبيبتي وانشاء الله عن قريب انزل اكلات

**luba** · 10-10-2013, 09:56 PM

اهلين ام اميرو .... كملي الباقي
اسعدتينا بحضوركم
والغربة خليها في سرك خليها في القلب تجرح ولا تطلع بره وتفضح
ماعليك الا الصبر تم الصبر تم الصبر ولازم ادوري فيش تلهي لو ماعندك عرب بحداك
لانه لو حطيتي ايدك علي خدك حتطربقي وتنتشري شظايا علي زوجك واللي في البيت
خليني نقولك عاد جيتي وصبيتي علي الجرح ملح واحني قريب ننسوه ونتأقلموا معاه
اولا : ما معني اسمك وشنو معناه وهل عربي هو اسم اتنين في واحد والا واحد بس وهل هوا للانسان او وصف لشئ
وتوا نحكوا من تغربت وهدا المنتدي جيراني او انقولك مطبخ بيتي
تعلمت منه الطبخ وكنت مانفقه فيه شئ
وتعلمت فيه الكروشيه ودرت بيه حاجات ما كنت نتوقعها من حبوبة الجميع الصابرة
وطبعا اهني كل قسم وفيه تكتبي وليه تخصص
طبعا في انتظار وصفاتك ووجودك بين خواتك
ونتمنوا لك الاقامه الدائمة بين صفحاته
اسعدنا حضورك ومنورة المنتدي ومنورة الصين ومافيش الا ربك المعين

**نسمه ليبيه** · 10-11-2013, 12:07 AM

والله يااختى ماحد راضى عن وضعه

انامرات نمل من الناس اللى حواليا

نتمنى انى نكون بعيد ونحسد المتغربين وافضل شي تحققيه تبتعدى عن الغيبه والنميمه ولازم تتكيفى مع وضعك فى الغربه

وان شاء الله تزورى اهلك فى اقرب فرصه طيبه

واهلين بيك معانا بس ليش تاخرتى مادامك من زمان متابعتنا؟؟؟؟

**ام اميرولمار** · 10-11-2013, 05:42 AM

اهلين اختي الحبيبه والله انت الي نورتيني واسعدني مرورك

الباين حتى انت مغتربه في كندا ربي ايعنه وخلاص وبصراحه ضحكتيني علي قولتلك الانفجار الي ايصير ههههههههههههه معاك حق التفكير انك في غربه ومملل يولد هالانفجار
وبالنسبه لاسمي اي اسم قصدك مفهمتش عليك ورغم دلك انا ام امير و لمار هادو اصغاري البنت عندي بس الولد قريب يشرف
وشكرا ياحبيبتي مره تانيه علي الرد الحميل وانشاء الله عندنا تهدريزه تانيه:d

**ام اميرولمار** · 10-11-2013, 05:49 AM

شكرا يااخت نسمه علي اهتمامك والرد علي موضوع ربي ايعينه وخلاص
بالنسمه لي تسجيلي فانا مسجلتش لاني كنت في منتدى تاني فما فكرتش في التسجيل في هدا المنتدى
بس من كتر ماعجبني قلت خلاص لازم انسجل فيه ولان حتى بعض الوصفات متطلعليش يالصور لان مش امسجله

ففضولي قتلني قلت لازم انسجل وانشوف المواضيع بالصور هههههه
وبصراحه لمتكم في المنتدى عجبتني

**luba** · 10-11-2013, 01:27 PM

ايه ام امير نقصد باسمك هدا اني مانعرفلك اسم تاني غيره
طلع اتنين في واحد
ان شاء الله ربي يقومك بالسلامه انت وامير يارب ويخليلك لمار
شن معني لمار وكم عمرها حلو اﻻسم وهل عربي او مترجم
ﻻسم في دولة اخري غير عرببه
عاد انت عارفه الليبيات و التقصقيص
في امان الله