[تطبيق ] اكواب التشيز كيك للمصراتية من مطبخ الصابرة

**الصابرة** · 10-22-2013, 06:06 PM

السلام عليكم

اليوم جايبة تطبيقي لاكواب التشيز كيك للغالية ميمي
الحق مش عاديات تهبل الطعمة واعجبتني اكثر من التشيز كيك
وخصوصا اضافة الكراميل والمكسرات اعطن طعم يمي خياااااااااااااااااااال
بصراحة شنو نوصف شوي
وممكن طبقته اكثر من 5 مرات لو كان انزل كل مرة انطبق فيها اكواب التشيز كيك حيتعبى هذا الركن من تطبيقاتي

ربي يعطيك ماتتمني يارب ويحفظك ومايحرمنا من ابداعك اللي ماليشي حدود

هنا رابط موضوع الغالية المصراتية

أكواب التشيز كيك من مطبخ المصراتيه

وهنا صور تطبيقي طبعا هذه صور اول تطبيق وكنت رافعتهن معاي لاهلي
واكيد مش روعة زي صور ميمي ربي يحفظها

وهنا وضعتهن في حافظة عشان سهل حاملهن رافعتهن لاهلي
وطبعا خوتي وامي عجبهم هلبة هلبة لدرجة خلوني درت ليهم مرتين واني عندهم

وهذه كوب ليا اني لان ماكانش عندي صبر اني نوصل اهلي عشان انذوقه وخصوصا
اني كنت ماشية ليهم ثاني يوم بصراحة لايقاوم وكان ماشدني راجلي كنت قضيت عليهن كلهن

ربي يحفظك يا ميمي واللي تفكر انها طبقها بسرعة فيش قاعدة تستنى

**نسمه ليبيه** · 10-22-2013, 06:31 PM

الله يعطيك الصحه بصراحه

تطبيق احترافى واكيد حيعجب ميمي الله يسلمها حتى هى

**luba** · 10-22-2013, 08:28 PM

ماشاء الله تطبيق رائع
تسلم ايديك وايدين ميمي ربي يعطيكم ماتتمنوا
حطيتيه في راسي جاري تطبيقه ان شاء الله
ديمه المشجع اﻻول لكل الوصفات منورة
تم التقييم ولي عودة لتقييمك بإدن الله

**الصابرة** · 10-23-2013, 04:36 AM

امين يارب

الله يسلمكن يارب ويحفظكن اسعدني مروركن
بكلماتكن الطيبة بارك الله فيكن

**أم خديجه** · 10-23-2013, 05:45 AM

تسلم ايديك وايدين المصراتيه
تطبيق رائع
لك تقييمي

**حبيبتهم** · 10-23-2013, 11:59 AM

المهم يا الصابرة توا دبريلي كيف نبي منهم وماعنديش وقت بيشش اندير ههههه

تسلم ايديك المنظر مش عادي واكيد الطعم حتى هو ايدوخ
وتسلم ايدين المصراتية
وجاري التقييم

**المصراتيه** · 10-23-2013, 11:14 PM

بسم الله ماشاءالله
اها اها اها 5 مرات قلتي يعطيك الصحه من هديك المره معاش درتها
تجننن طالعه منك خصوصا هالكوب هدا بناكل معاك هههه
يعطيك الصحه صبوره وتسلم يدياتك وبارك الله فيك علي الكلام الطيب والدعوات والحمدلله انها عجباتك وعجبت اهلك الحق فرحتينييي
تم التقيـــم واحلي نجوم

**الصابرة** · 10-24-2013, 01:18 AM

الله يسلمكن يارب ويحفظكن اسعدني مروركن
بكلماتكن الطيبة بارك الله فيكن

حبيبتهم ولايهمك غير قوليلي وين انتي يجيك لعندك ادللي قديش حبيبتهم عندي

ميمي معقولة انتي صاحبة الوصفة ودرتيه مرة واحدة
اني اليوم بعتت راجلي وجابلي مكوناته بنديره مرة اخرى تميت مدمنه حي عليا
لكن الحق من روعتها حتى زاد وزني عادي هههه