[مشاركة في مسابقة سلطات ومقبلات عيد الاضحى 2013]شكشوكة الخضرة ع البخار من مطبخ ام عبسي

[ام عبسي]

السلام عليكم ورحمة الله وبركاته

مش عارفة اذا كان نقدر انخش بيها المسابقة او لا لاني كتبت اني مشتركة لااحم ولاتستور وانتم ليكم القرار ياحلوين
نبدو بسم الله

المقادير
-كوسة/باذنجان/بطاطا/فلفل حلو وحار/كرنب زهرة/ جزر/بصل/ثوم/طماطم/معدنوس
وزيدي او نقصي من الخضرة كيف ما تحبي او حسب المتوفر عندك
-زيت زيتون
-ملح/فلفل اكحل/زنجبيل/كروية/كركم
-ملعقة صغيرة طماطم معجون
-عصير ليمون
-علبتين سردين
الطريقة
-قطعي حبات الخضرة كلها بشكل طولي يعني جوانح واذا كان بعض الحبات طويلة زي الكوسة والباذنجان قصيها بالنص وبعدين بشكل طولي
-حطي الخضرة في الكسكاس ما عدا البصل والثوم والفلفل والطماطم وخليها اطيب ع البخار وطبعا حسب ما تحبيها انتي اذا كان تبيها اطيب واجد او لا




-حطي طنجرة او طاجين ع النار وحطي فيه شوية زيت زيتون وحطي فيه البصل والثوم والطماطم والفلفل ويادوب يتحمسوا او يذبلو شوي ونحط عليه الحرارات والطماطم المعجون ونطفي عليه النار



-وبعد مانزلناه من النار على طول انحط علي علبتين السردين والمعدنوس والخضرة بعد ما طابت



-ونخلطها بشويه بيش ماتنهرس ويضيع منظر الخضرة وصحتين وعافية

جربوها والله طعمتها مش عادية وفوق من هذا صحية(ننفع للدعاية والاعلان صح)
في امان الله وحفظه