[ تمت الاجابة] سؤال عن تتبيلة الدجاج

[Om Amory]

....السلام عليكم ورحمة الله وبركاته....

حبيباتى كيف حالكم ؟؟؟....

بصراحه نبى نسألكم عن تتبيلة الدجاج تبع الزبادى

فى تتبيله بالزبادى الحامض كيف ؟؟....

ياريت اللى تعرف تقولى عليها

تحيــــاتى ...

Om Amory

[أم ميوسة]

السلام عليكم ورحمة الله وبركاته

عزيزتي كيف الحال

تتبيلة الدجاج بالزبادي تأخدي الزبادي تحطيه في صونية وتأخدي معاه ثوم وليم قارص وزعتر والتوابل اللي عندك من قرفة وفلفل أسود وزعتر وتابل تونسي أن وجد وزنجبيل مرحي وحبهان وتعرفي اللي يضيف نكهة حلوة تخلي بنة الدجاج حلوة الزنجبيل الأخضر لكن للأسف مش ديمة متوفر عموما هادي تقريبا الخلطة اللي ندير فيها متع الزبادي .

طبعا تأخدي التتبيلة وتدهكي بيه الدجاج باهي لين اطيبيله كبيدته هههههههههه وتخليه مدة في الثلاجة أو حقه توه شتيه خليه بره لين يمص التتبيلة كويس وتأكلي بالهناء .

[Om Amory]

هههههههههههههه خلاص تو ندهكه لين يطيب هههههههههه

شكرا حبيبه بارك الله فيك ماننحرم منك ان شاءالله

[نوارة ليبيا]

اهلين حبوبة هاذي الخلطه انك تحطي زبادي وليم قارس
والباقي تتبيلتك اللي تحبيها

يطلع ايهبل
وماتنسي مية البصل والزعتر وصوص الصويا يعطو لدجاج بنة روعه

وبارك الله في أم ميووسة ماقصرت

وينقل للقسم المناسب

[Om Amory]

مشكوره حبيبتى نواره

[ام الجميلات]

اهلا ام عموري ماتقولليش انتي هي اللي في قلب علاء
المهم بالنسبة لتتبيلتي
ناخد صدور الدجاج هدا بالنسبة لسكالوب نحطه في صونية بعد الغسل طبعا نملحه ونخلطه بكوب ياغورث الطبيعي
وشوية خل وخردل والبهارات نضيفله في التابل التونسي طبعا اللي عندي دياري جايبهولي خوي من تونس نبش عليه بصل
وشوية بزار مخلط وجنزبيل واكليل مطحون وزعتر وخليه من ربع ساعة الى ساعة كانك مستعجلة حتى ربيع ساعة باهي لانا اني ديمة مستعجلة تكفيني ربيع ساعة
وبعدين تاخدي صونية صغيرة وتضربي فيها الدحي وتخلطيه بمية التتبيلة وتغرمدي كل قطعة في الخبزة المرحية وبعدين الدحي وبعدين الخبزة وتقلي يطلعلك مش عادي
اما بالنسبة لتتبيلة المشوي ديريله ملح وشوية فلفل اسود وبهارات الدجاج اللي هي التابل التونسي
وليم قارصواميةبصل وخليه راقد في تتبيلته حتى ليلة كاملة وبعدها اشوي وبالهناء والشفاء
غير ابعتيلي منه هههههههههههههههههههههههههههههههههههههههههههههههههه ههههههههه راهو الطريقة مش بلاش

[Om Amory]

ههههههههههههههه انى اللى فى قلب علاء ههههه قصدك ماعرفتنيش ؟؟؟


صحيتى ان شاءالله تو نديرها

بارك الله فيك حبوبه

وحصتك تو توصلك باهى

[ام عبود]

نفس خلطه الصبايا بس انا بضيف عليها ملعقه كاتشب بتعطى طعم كثير طيب

[Om Amory]

شكرا حبيبتى أم عبود

نورتى

[أمـ ساره]

ماشاء الله أم عموري

الاخوات ماقصروا معاك

وزي ما قالولك تضيفي لتتبيلتك الزبادي فقط عادي

وباقي الدباير على راحتك وزي ما تحبي انتي وزجك