[ تمت الاجابة] طريقة شوربة العدس الاخضر

[Om Amory]

السلام عليكم

كيف حالكم؟؟

حبيباتى ياريت تساعدونى نبى طريقة شوربة العدس

بس اللى عندى مش أحمر

قولولى كيف ؟؟

[فضااوي]

عزيزتي

العدس الاحمر والاصفر سوى يستعمل في شوربة العدس وفي اكثر من طريقة

في قسم الشوربات

اما اذا قصدك الاخضر

فهو يستعمل فقط في شوربة الحريرة

[زينب محمد]

تفضلي حبوبة

هذه طريقتي و لكن بالعدس الاحمر

الصور مقفلة لذلك انسخيها و الصقيها في ملف وورد و ستظهر فيه

[ شوربة العدس ] من المطبخ الليبي لزينب محمد

[زهرية]

أهلآ بأم عموري شربة العدس ندير فيها بالعدس الاحمر أو الأخضر وطريقتي بالأخضر
بصلة متوسطة مفرومة ناعم- نصف ملعقة طعام طماطم حكة (معجون الطماطم)- نصف ملعقة طعام فلفل احمر حار- ربع ملعقة طعام بزار- ملعقة شاهي ثومة مفرومة- ربع طاسة زيت- ربع كيلو لحم هبرة مقطع صغير- فلفل اكحل- كمون
نحط الزيت في الطنجرة على النار ونحط البصل ونحرك لين يذبل وبعدين نحط اللحيمات ونحرك لين يشقروا ونضيف الطماطم والفلفل احمر وفلفل اكحل والبزار ونحركوا كويس ونضيفلها الملح ونحرك خمسة دقايق ونصب عليها مية سخونة تغلي بالشوية ونحرك بعدين نصب مية لنصف الطنجرة ونخليها تغلي على النار لما قريب اللحم يطيب نحط العدس وكمية العدس عيني ميزاني تقريبآ طاسة الا ربع عدس نغسلا ونحطا عالمرقة لما يطيب العدس نحط الثومة ونحرك وناخد اللحيمات قبل ونحطهم في خلاط المالقي ونرحيهم ونضيفلهم شوية مرقة ونضربهم بعدين نفرم باقي المرقة ونردها على النار خمسة دقايق ونطفي ونضيف الكمون ولو تحبي رشة جوزة الطيب وانشاالله تعجبك طريقتي نديرفيها وتطلع قنينة وتقدري تعصري عليها ليم قارص وتزينيها بالمعدنوس

[فضااوي]

زهرية ما فهمت

تقصدي عدس بو جبة بالاخضر

لان العدس الاخضر تقريباا ياخذ وقت طويل في الطياب

[زهرية]

أهلين فضااوي العدس يلي نتكلم عليه زي يلي في الصورة حاطتيها انت فوق فيها ثلات انواع عدس اصفر واحمر والتاني يلي في يمين الصورة من تحت نقولوله اخضر انشالله قدرت نفهمك

[فضااوي]

اهاااا

هههههههههههههه
طيب كم ياخذ معاك وقت في الطياب لاني نعرفة قاسي واول مرة نعرف انه يندار بة شوربة
لاني عادتاا نطبخة قبل وندير بة اما شوربة حريرة طبعاا من غير رحي او مجدرة او انحطة في المبكبكه

[Om Amory]

اقتباسالمشاركة الأصلية كتبت بواسطة فضااوي

عزيزتي

العدس الاحمر والاصفر سوى يستعمل في شوربة العدس وفي اكثر من طريقة

في قسم الشوربات

اما اذا قصدك الاخضر

فهو يستعمل فقط في شوربة الحريرة

مشكوره حبيبتى بس أنا نبى طريقة الاخضر

هو يتنقع قبل فى الماء باش يطيب كويس

مشكوره ماقصرتى

[Om Amory]

اقتباسالمشاركة الأصلية كتبت بواسطة زينب محمدتفضلي حبوبة

هذه طريقتي و لكن بالعدس الاحمر

الصور مقفلة لذلك انسخيها و الصقيها في ملف وورد و ستظهر فيه

[ شوربة العدس ] من المطبخ الليبي لزينب محمد


مشكوره أختى زينب بس الصور ماعرفتش كيف نطلعهم

[Om Amory]

اقتباسالمشاركة الأصلية كتبت بواسطة زهريةأهلآ بأم عموري شربة العدس ندير فيها بالعدس الاحمر أو الأخضر وطريقتي بالأخضر
بصلة متوسطة مفرومة ناعم- نصف ملعقة طعام طماطم حكة (معجون الطماطم)- نصف ملعقة طعام فلفل احمر حار- ربع ملعقة طعام بزار- ملعقة شاهي ثومة مفرومة- ربع طاسة زيت- ربع كيلو لحم هبرة مقطع صغير- فلفل اكحل- كمون
نحط الزيت في الطنجرة على النار ونحط البصل ونحرك لين يذبل وبعدين نحط اللحيمات ونحرك لين يشقروا ونضيف الطماطم والفلفل احمر وفلفل اكحل والبزار ونحركوا كويس ونضيفلها الملح ونحرك خمسة دقايق ونصب عليها مية سخونة تغلي بالشوية ونحرك بعدين نصب مية لنصف الطنجرة ونخليها تغلي على النار لما قريب اللحم يطيب نحط العدس وكمية العدس عيني ميزاني تقريبآ طاسة الا ربع عدس نغسلا ونحطا عالمرقة لما يطيب العدس نحط الثومة ونحرك وناخد اللحيمات قبل ونحطهم في خلاط المالقي ونرحيهم ونضيفلهم شوية مرقة ونضربهم بعدين نفرم باقي المرقة ونردها على النار خمسة دقايق ونطفي ونضيف الكمون ولو تحبي رشة جوزة الطيب وانشاالله تعجبك طريقتي نديرفيها وتطلع قنينة وتقدري تعصري عليها ليم قارص وتزينيها بالمعدنوس


ماشاءالله بارك الله فيك حبيبتى زهريه

كفيتى ووفيتى

والله راجلى شاد فيها ههههههههه

وانى طبعا مادرتهاش قبل

لانى كيف متزوجه وانتى أكيد عارفه

ههههههههههه

صحيتى