الهدرزة الليبية 9 تفضلو مرحبتين

[ام اسر]

وينكم يابنات؟؟؟

[ام اسر]

تجويد شكلها الهت في حاجه تانيه
نسىتادن شويه وراجعه

[بيبي دوح]

اقتباسالمشاركة الأصلية كتبت بواسطة ام اسرربي يوفقك في دراستك
بنوته قصدك والامدام ؟؟عرفينا عليك لوممكن


قصدك من يا ام اسولة

حددى راهو نغتر بنفسى ونقول ما زلتى صغيرة يا بيبي دوح

[تجويد]

ياغاليات اختي الصغيرة طبعا بكرة قالتلها الدكتورة ان العيل فارسي ولازم من عملية فانا قلتلها ماتسمعيش كلامها غير اول مايخش شهرك شديها مشي لين يجيك الوجع وباذن الله تجيبي طبيعي وفكيني من دوت الدكاتره وطبعا هيا خدت كلام الخبير ة ولما جاها الوجع في رمضان اتصلوا بالقابلة تجويد ههههههه وانا مشيت نجري وبداء الوجع مرة كل نص ساعة وانا انقوللها اتمشي مازال في جنان حوش بوي كبره 700 متروبعدين لما خلاص بدا الوجع كل 5 دقايق مشينا للعيادة واول ماكشفت عليها الدكتورة قالت هذه عيلها فارسي وعنق الرحم مفتوح 4 سنتيمتر والمفروض ويخلوهاش يجيها الوجع لازم عمليه وقالتلها ليش ماجيتي من الاول فاقلتلها اختي قالتلي اتمشي وتلفتتلي الدكتورة وقالتلي قريب خليتيه جبد معلاقها ونزل هههههههه هذا اللي تفكرته لما قلت لليبيا تمشي هههههههههههه تعرفي نكتبلكم فيه الموقف واني ميته من الضحك ههههههههههههههههه ؟

[ليبيا قلبى]

بيبي دوح
ندوى وانا مازال ماجربت هرجت العيال الصغار
هاهاهاهاهاهاهاها

[sema]

ايه انا قاعدة بنوتة
مواليد89
ونقرا في كلية الطب البشري مازال سنين بعون الرحمن

[بيبي دوح]

هههههههههههههههه

الله يهديك هذا اعتمادك عالخبرة هههههههههههههههههه

وشن صار فيها وخيتك جابت طبيعى ولا بعملية

وشن يعنى عيل فارسى

صاحبتك شوى ثقافتها على قدها فى هالامور

[ليبيا قلبى]

اقتباسالمشاركة الأصلية كتبت بواسطة تجويدياغاليات اختي الصغيرة طبعا بكرة قالتلها الدكتورة ان العيل فارسي ولازم من عملية فانا قلتلها ماتسمعيش كلامها غير اول مايخش شهرك شديها مشي لين يجيك الوجع وباذن الله تجيبي طبيعي وفكيني من دوت الدكاتره وطبعا هيا خدت كلام الخبير ة ولما جاها الوجع في رمضان اتصلوا بالقابلة تجويد ههههههه وانا مشيت نجري وبداء الوجع مرة كل نص ساعة وانا انقوللها اتمشي مازال في جنان حوش بوي كبره 700 متروبعدين لما خلاص بدا الوجع كل 5 دقايق مشينا للعيادة واول ماكشفت عليها الدكتورة قالت هذه عيلها فارسي وعنق الرحم مفتوح 4 سنتيمتر والمفروض ويخلوهاش يجيها الوجع لازم عمليه وقالتلها ليش ماجيتي من الاول فاقلتلها اختي قالتلي اتمشي وتلفتتلي الدكتورة وقالتلي قريب خليتيه جبد معلاقها ونزل هههههههه هذا اللي تفكرته لما قلت لليبيا تمشي هههههههههههه تعرفي نكتبلكم فيه الموقف واني ميته من الضحك ههههههههههههههههه ؟

هاهاهاهاهاهاهاهاهاهاهاها
حتى انا فى ولادتى الاوله كرعيه طاحن من المشى
وزوجى ايقولى امشى بيش اتجيبي طبيعى ياهبله
وفى النهايه جبت بعمليه سبحان الله
وتوا يقولولى تمشى حتى الجنان
والله نمشى اشويه انحس فى روحى كتى عجوز عمرى 90 سنه
هاهاهاها

[بيبي دوح]

اقتباسالمشاركة الأصلية كتبت بواسطة ليبيا قلبىبيبي دوح
ندوى وانا مازال ماجربت هرجت العيال الصغار
هاهاهاهاهاهاهاها


الله يطعمك يارب

تعرفى مرات نقول ياريتنى بلاهم

والله من يوم اللى مرض ولدى ورعشنى وانا صحتى بالهون وحالى ماهو حال

والله لا يكتبها علينا تانى ولا على كل حبيب ولا عدو لان الابن شى اغلى من النفس

ربى يرحمنا ويصبرنا وخلاص

[ليبيا قلبى]

بيبي دوح
بعيد السوء على وليدك وعليكى
طمنينى اكويس توا