السلام عليكم حبيبات
صحة شريبتكم وفطوركم وبالهني عليكم
وسلمت ايدياتكم حبوبات على كل الي اديروا فيه
بنوتة
لالا ما نكثر بالعكس انوع لكن الكمية شوية وما تنسي نتسحروا بيهم ما نطيبوا في السحور
أم خديجة والصابرة
الله يسلمكن حبوبات وبارك الله فيكن على الدعوات
الحمد لله هالفترة باتي كويسات بس مرة مرة عندهم اسهال مش عارفة ليش ؟
نسومة
لاباس عليك وطهور ان شاء الله وربي يشفيك حبيبة
والعطش ربي يعينا عليه يارب مس قريب شربت م كثرة العطش غير ربي هداني واذكرت اني صايمة
بالنسبة لي امس كان يوم غريب عجيب اقسم بالله قعدت نشهد وما توقعت يوصل فيا المغرب
الضيء هارب وكان مش هارب ضعيف بكل متعبني وكانت عندي عزومة
خشيت من الساعة 3 وكملت قبل المغرب بنص ساعة واكثر
نزلت عند عزوزتي وقعدت جهز في السفرة معاها وبعد المغرب نزلت صليت ولما نزلت
لقيت الضيوف والي هم لراجلي واكلين وما يبو شيء حتى القهوة ما شربوها
قريب هديت عليهم بالميم طاء وحتى النية من العشاء طارت
شربت قهيوة وخذيت شوي كيكة كراميل درتها لهم وخلاص
وعلى اساس اليوم ما نبي نطيب لكن وراي عويلة بالله خشت الساعة 7 للكوجينة
ودرت بيتزا وطاجين بورجر بشكل جديد وخبيزة كسكاس بالشاورما وعزوزتي درات سمبوسة
المفضلات