[ بيتزا بتوست الشعير ] من مطبخ أم الجميلات

[ام الجميلات]

من اختراعي مرة يا حنة جوني جاراتي بيتعرفوا عليا على غفلة حرت شن بنقدملهم

فالقيت التوست الشعير قدامي قلت مافيش الا بيتزا بالجبنة دايت وانا كنت يومها عاملة رجيم

لكن هدي عاد مانبيش نكدب عليكم كيف درتها طازة شربت بيها شاهية اني وجميلاتي

المقادير

توست شعير

جبنة لايت

صلصة بيتزا غير ضيفيلها قطيرة خل تفاح


الطريقة

تاخدي التوست وترصيه في الطاجين وتدهنيه بالصالصة وبعدين

ديري اللي تحبيه اني اكتفيت بالزيتون والجبنة فقط





وكان تحبي تضيفي تن مصمصيه من زيته والاملاح ورشيه فوق الصالصة هدا اختياري





وهدي الصورة الاخيرة مع طويسة الشاهي الخضراء




وان شاء الله تنال اعجاب الجميع

يا فضااوي شن رايك في البتزا الكدابة حشاك