[تمت الاجابة]البيتزا

**omhammam78** · 12-02-2010, 03:17 AM

أبلة زينب عندي مشكلة مع البيتزا من بعد ما غيرت طريقتي أرجوكم نبي طريقة مضمونة للبيتزا مليت من التجارب ولا طريقة زبطت معاي ولما اضفت البيكمبودر توقعت الخلطة هذه احسن بس ما عجبتني أحس انه ستصبح عندي عقدة اسمها بيتزا بالرغم ان الاشياء حتى الصعبة بتزبط معاي ارجوكم اللي عنده وصفة مزبوطة يسعفني ولكم الاجر

12-02-2010, 03:21 AM

حبيبة انا طريقتى فى البيتزا ولا فى الخيال الصراحة
حليب وزبدة تسخنيهم ع النار لين يدفو
وبعدين اتصيبي الملح وسكر وخميرة فورية وقليل من البينكج بودر
وتحركيهم كوووويس
وبعدين اتصبى الدقيق وتعجني لين تتمسك معك وماعاد تلصق باليد
وتخليه تخمر وبعد تخمر تكسرى الخمرة وتخليها تانى
وراح تعجبك وتنال رضاك

**سحابه صيف** · 12-02-2010, 04:12 AM

المشاركة الأصلية كتبت بواسطة ¸¸ღأسيرية الغربة¸¸ღ

حبيبة انا طريقتى فى البيتزا ولا فى الخيال الصراحة
حليب وزبدة تسخنيهم ع النار لين يدفو
وبعدين اتصيبي الملح وسكر وخميرة فورية وقليل من البينكج بودر
وتحركيهم كوووويس
وبعدين اتصبى الدقيق وتعجني لين تتمسك معك وماعاد تلصق باليد
وتخليه تخمر وبعد تخمر تكسرى الخمرة وتخليها تانى
وراح تعجبك وتنال رضاك

عجبتني طريقتك يا اسيرة بس يا ريت مقدار الحليب وزبدة ودقيقة

**ابريكه** · 12-02-2010, 06:39 AM

السلام عليكم
نعطيك طريقتي القديمة من اني بنت
ناخذ كوب حليب كلوني مش حليب حكة
وندفية شوي عالنار
يكون دافي مش ساخن
بعدين نعطة في الصينية اللي بنعجن بيها
ونحط علية
ملعقة كبيرة ممسوحة بيرة وكان شتاء ندير ملعقة ونصف
ورشة ملح ورشة سكر
ونغطيها لين تخمر الخميرة
بعد ما نلقاها خمرت
نضيف الدقيق ونعجن وتكون العجينة تلصق في يدية
نضيف عليها بيضة
واربع ملاعق زيت والافضل زيت الزيتون يخليها خفيفة
ونعجن حتى يختلطو مع بعض
بعدين نضيف الدقيق حتى نحصل على عجينة بتزا
نتركها ترتاح
وبعدين نشكلها حسب ما تبي
بتزا مفرودة والا اقراص
وكان تبيها بتا ملفوفة زيدي الدقيق
وان شاء الله اكون أفدتك

ونبي نقولك لازم تتاكدي من صلاحية الخميرة
واعجنيها كويس
واتركيها تختمر كويس
ولما تحطيها بالفرن ما تقعدي تفتحي وتسكري عليها
خليها لين تعرفيها استوت من تحت
والاخت زينب رح ترد عليك و تكفي وتوفي
الله يجزيها الخير

**الساجدة لله** · 12-02-2010, 08:58 AM

اسيرة الغربة طريقتك شكلها حلوة بااذن الله نجربها

**kittygago** · 12-02-2010, 03:44 PM

ما شاء الله البنات كفو و فو في الطريقة

ان شاء الله تجيك كويسة

**omhammam78** · 12-02-2010, 04:26 PM

بارك الله فيك أختي أسيرسة الغربة و أختي ابريكة على افادتكم وانشالله انجربها في غياب زوجي لاني عندي عقدة البيتزا ومعاش نتحمل في النقد البناء من زوجي بخصوص هذا الموضوع