[تشيز كيك] من مطبخ نعومي نت

**نعومي نت** · 12-30-2010, 11:39 PM

هي تفضلوا واعطوني رايكم
المقادير

باكو بسكويت دايجستف
زبدة فرنساويةReem Pak
كريم لباني وقشطة وجبنة كيري وشويةعسل ومربى وعصير رمان
الطريقة
الخطوة الاولى
ناخد البسكويت ونرحيه في ست البيت

والخطوة التانية
ناخد البسكويت ونخلطه بالزبدة والزبدة تكون بحرارة الغرفةوبعدين نرصها في الطاجين كما في الصورة

والطاجين الخاص بالتشيز كيك نبدا نضغط الخليط بكف اليد لين يتساوي وبعدين
الخطوة الثالثة
نخلط الكريمة في الخلاط الكهربائي ونحط معاها باكو جبنة الكيري وشوية العسل وشوية القشطة وشوية جبنة بوك لان لقيت جبنتي شوية فزدتها مني وبعدين حطيت الخليط الكريمة فوق البسكويت مثل

وبعدين نسلفر الطاجين ونحطه في الفريز لين يتماسك ولما نطلعه نبدأ نساوي سطح الكيكة لانها مثلجة الكريمة
الخطوة الاخيرة
تاخد المربى والمربى اللي عندي فيه شوية حبيبات فلدلك صفيته من الحبيبات وبعدين جريتها بشوية عصير رمان وزعته على الكيكة لانها طلعت جامدة شويةوهدا شكلها النهائي

وهدا شكلها من الجنب

وان شاء الله تنال اعجابكم وادعوالي بالذرية الصالحة اللي ان شاء الله مايحرم منها ولية

**ام لبنتين وولد** · 12-30-2010, 11:43 PM

ايوة انت لاهية تنزلي في الكيكة عندك الحق يسلموووو والحمد لله انا الاولي رديت يعني من نصيبي جت

**نسمه ليبيه** · 12-30-2010, 11:44 PM

سلم ايدياتك وياريتك حطيتى مقادير الطبقه الثانيه بالتفصيل

**ام الجميلات** · 12-30-2010, 11:47 PM

يسلموووا يا نعومي مشكورة

**طمطم** · 12-30-2010, 11:53 PM

يسلمو
وربي يرزقك بالدذرية الصالحة يارب

**فضااوي** · 12-31-2010, 12:10 AM

تسلم الايااادي يالغلا

**نعومي نت** · 12-31-2010, 09:22 AM

اقتباسالمشاركة الأصلية كتبت بواسطة نسمه ليبيهسلم ايدياتك وياريتك حطيتى مقادير الطبقه الثانيه بالتفصيل
السلام عليكم حبيبتي نسومة
مقادير الكريمة لا فيها لا علم لا درة شفتي باكو الكريمة اللي مع المقادير كريمه واتيه زي الحليب صبيها واخفقيها بالخلاط الكهربائي ونضيفيلها الجبنة وعسل سويه وحتى القشطة كان تبي إضيفيها باهي وكان هدا مش لازم المهم إنها مش زي الشانتي اضيفيلها السكر والقشطة لا لا واتيا عليك غير اتخلطيها في الخلاط بس