مكتئبة ومحتاجتكم

[التا ئبه لله]

يا عسولات اعلاش كل هاالقسوه

هيا الحضانه فيها قوانين معينه معقوله بتتجرا تجيب حد غريب الله اعلم الله يهدينا
لكن اختى ليبيه انتى الحكم فى هدا الموقف

[ليبية]

حبيبتي نعومي والله خليتيني نبتسم ونشرح صدري لكلامك يا غالية بارك الله فيكم جميعا
فعلا قدر الله وماشاء فعل
تعرفوا سبحان الله الحضانة هذي ليا فيها ممكن اسبوع
فقلت سبحانك ياربي ترزق من تشاء وتمنع من تشاء
كأن الله خلاني نمشي للحضانة هذي لسببين باش يتم رزق هالملخوقة من هذا المكان
ويحفظ الصغار التانين من اي خطأ كان

سبحانك ياربي علام الغيوب
استغفرك واتوب اليك ياربي

[ليبية]

اختي الحبيبة تائبة والله يا حبيبة اني لهذا السبب ضميري متعبني
لكن زي ماقلت: انه المديرة قالتلي في الهاتف انه ممنوع دخول الرجال نهائيا للحضانة حتى اولياء الأمور ياخذوا في صغارهم من الباب وهي حرفيا قالتلي حتى لو كان بوها اللي مدخلاته ممنوع
حاولت اني نرطب قلبها ونخليها تسامحها لكن قالتلي خلاص هذا الموقف لا يسكت عليه

صحيتي يا تائبة على كلامك وفعلا قلبي يفكر زي ما انت قلتي وعقلي يقول اللي قاله زوجي والبنات

ومع ذلك وصلت لنقطة معاش نعرف فيها الصح من الغلط

[ليبية]

اختي سحابة يعطيك الصحة على كلامك
اني حسب مافهمت من المديرة انها منبهتها قبل هكي على استقبال الزوار لأنها استقبلت صحباتها قبل هكي ونبهتها والله اعلم
وبالنسبة للحضانة ياغالية اني لو نبي نخدم ماعنديش حل الا الحضانة امي بعيدة عليا وعزوزتي مرة كبيرة
وحضانة العمل مزرية جدا لكن شكلي بنحطهم فيها وخلاص ولا بنقعمز ونهني روحي

[نسمه ليبيه]

اختى ليبيه انت تسرعتى (سامحينى )على صراحتى لكن من منا ملتزم بقوانين العمل ميه ميه كلنا عندنا تجاوزات

هو ممكن خوها كان بيرفعها معاه ويستنى فيك تجى تاخدى الصغار ويرفع اخته معاه.حطى نفسك فى مكانها لو قالو لك فى العمل مايجيكش راجلك اكيد كان حيجيك ولو ليوم واحد.وانت ماعندك الا تنسي اللى صار وكلنا نسفيدوا من اخطاءنا

[ليبية]

حبيبتي نسمة عادي ياغالية اني طرحت الموضوع باش نشوف اراء الكل
ممكن كلامك صح لأنه حتى اني هكي كنت نفكر لكن صايرلي تلخبيط مش عادي
يعني لو انت كنت مكاني كنت تخلي صغارك في الحضانة وكأن شيئا لم يكن؟

[التا ئبه لله]

خلاص حبيبه قدر الله وما شاء فعل
معليش عليك بدعاء والا ستغفار وصلى ركعتين قبل ما تنامى وربى غفور رحيم
هدى تكون درس للانسان باش مره تانيه معاش نتسرعو بالحكم على الاخرين بمجرد الا حساس
وربك غفور رحيم والا عمال بنيات حبيبتى معليش هدا الا مكتوب
خخخخخخخخخخخخ تقولى جريمه

[ليبية]

والله ياتائبة الأحساس بالذنب اللي عندي مخليني حاسة اني انا اللي درت مصيبة رغم انه كل من سمع القصة قالي هي اللي غالطة وانت ماعليك ذنب
جريمة وسكتي.
انا قاعدة مستغربة في اللي يقتلوا ويخنبوا كيف عايشين مش عارفة؟
انا لسبب زي هذا وربي العالم بحالي

[روح مغتربه]

اخواتي انا ما ضنيتش في البنت يعني هو خوها ومتاكدين انا خوها بس شن الي يضمني انا انسان سوي ومعنداش مشاكل او امراض نفسيه هذي نقطه والنقطه الثانيه كيف تقفل الباب علي الصغار .................يا ناس احني ما نلقوش في صغارنا ملوحين في الشارع بيش انجازفو بسلامتهم وما فيش حد بيعاني زي الام لما يصيب طفلها مكروه لا مدرسه ولا مديره والرزق علي صاحب الرزق بيش المره الجايه تعرف كيف تتصرف وكيف اتكون قد المسئوليه ووالله يا ليبيه اني انحييك لو كل ولي امر شاف غلط وبلغ عنا والاداره تصرفت بحزم زي المديره هذه ما كناش انشوفو المصايب الي اتصير رب يلطف بينا ويحفظ اصغارنا يا رب

[ليبية]

اختي الحبيبة روح مغتربة شكرا لكلامك فعلا خليتيني نحس بطمئنة مفاجأة الله يطمن قلبك
فعلا :
انا مش غلطانة , انا تسرعت قليلا لكن حتى لو كلمت البنية قبل المديرة شن كان بيصير
كانت المديرة بتسألني على سبب انسحابي من الحضانة؟
واني بصراحة مانحبش نكذب
ولو ماعطيتهاش سبب حتصر عليا
وغير هكي صغار الناس حتى هما بينخاف عليهم
بنات جاوبوني على هذا السؤال:
لو صغاركم كانوا في الحضانة ولقيتوا انه الأبلة اللي شادتهم واللي المفروض مدايرة بالها عليهم حاطتهم في الدار ومسكرة عليهم واكتشفتوا انه عادي يخش راجل للحضانة (لأنه هذا اللي كنت نحسابه اني في الأول ولكن المديرة اكدتلي انه ممنوع استقبال اي رجل داخل الحضانة)
هل حتسكتي؟
هل حتنسحبي بهدوء؟