[فائدة] تجمع رشيقات 2011تحت شعار ((اللي قدهاا تدخل تتحدى ))

**فضااوي** · 01-03-2011, 12:13 AM

السلام عليكم ورحمة الله وبركاته

مراحب يا بنات في تجمع رشيقات 2011م

تحت شعآر

[ الي قدها.... تدخل وتتحدى ]

تم فتح هذا الموضوع بناءاً على طلب العضوات

وهذا الموضوع مفتوح لكم وخاص للمتابعة اليومية

لكافة انظمتكم الغذائية الي تتبعونها + يومياتكم المصوره (فطور+غداء+عشاء)

والله يوفقكم يا بنات
ونبي نشوف عدد الرشيقات في تزايد

شعار التحدي

**أم ميوسة** · 01-03-2011, 12:23 AM

السلام عليكم ورحمة الله وبركاته

انا قدها انا أول المنتسبات

تعرفي مين قريت رسالتك يا فضاوي قلت حيه هادي كيف عرفتني دبدوبة هههههههههه

طبعا موضوعك اللي فات أنا متابعاته لكن قلت ما نبيش نشارك لين نتاكد من جديتي في موضوع الريجيم
وانا توه بنرفع معاكم شعار نعم للرشاقة ونعم للصحةنعم للأكل الصحي
لا للدهون ولا للسعرات الحرارية ولا لكلمة تو ندير ريجيم غدوة

حاجة أخيرة مافيش حد يسالني السؤال الأزلي قداش وزنك أصلي اتكسف هههههه
اسألوني قداش نقصت

**ليبية** · 01-03-2011, 12:27 AM

موضوع حلو ويعطيك الصحة
الحق اني وزني الحمدلله واللهم دمها نعمة كويس بس عندي شوية بطن وترهل في الأفخاذ بعد ماجبت وليدي
ولكن ماعنديش مانع نبدأ نعاكم
وبعون الله انا قدها

**ام اسر** · 01-03-2011, 12:29 AM

السلام عليكم
الف مبروك التجمع لانه يستاهل التهاني علي الاقل نتشجعوا
والف شكر ليك اختي فضاوي ويارب ننزل للوزن المطلوب بفضل اكلاتك الجميله تبع الحميه وهل البرنامج الرائع
وبادن الله معاكم من بكره وماتنسوش اني مرضع خخخخ عندي نسبه زياده وربي يكون في العون
موفقات يارب

**فضااوي** · 01-03-2011, 12:30 AM

أم ميوسة
ههههههههههههه

انا انشم في السمان شم هههههههههه

اوكي راح تكوني من المنتسباات للتجمع

يومياا ادخلي للموضوع واكتبي يوميات الفطور الغداء العشاء واللي كليتة في النص
علشان اذا الكمية كبيرة انبه بعضنااا

نورتي التجمع

**سحابه صيف** · 01-03-2011, 12:30 AM

معنديش مانع نبدا معاكم لكن انا عطم وجلده ههههههههههههه ننفع زعمك ولا ناويين علي تتطفيشي من المنتدى ههههه
المهم موضوع حلو وان اشاء الله نقدر انشاركمم

**نسمه ليبيه** · 01-03-2011, 12:32 AM

اختى فضاوى
انا كنت وحطى خط احمر تحت كلمة كنت.. كنت ضد الرجيم وديمه نقول مستحيل ندير رجيم لو وزنى وصل لشنو

بس لما جت للظنو خذيت وضع ستوب

انا اخر مره ولدت عام 2007 ودرت منع طبيعى ولما حاليا استعديت للحمل تفاجءت انه لم يحدث حمل مع ان الدوره تاخرت عليا شهرين وطلع مافيش حمل

ولما مشيت للدكتوره لقت عندى تكيسات عالمبايض وقالتلى لازم تخسي مع العلم ان وزنى 70
لذلك اضطريت انى ندخل فى عالم الرجيم وانا ماعنديش اى سوابق او معلومات عن الرجيم الصحى لذلك حنبدا معاكم ا.ب رجيم

**سحابه صيف** · 01-03-2011, 12:32 AM

اقتباسالمشاركة الأصلية كتبت بواسطة فضااويأم ميوسة
ههههههههههههه

انا انشم في السمان شم هههههههههه

اوكي راح تكوني من المنتسباات للتجمع

يومياا ادخلي للموضوع واكتبي يوميات الفطور الغداء العشاء واللي كليتة في النص
علشان اذا الكمية كبيرة انبه بعضنااا

نورتي التجمع

خلاص انا معاك في هدي بيش الي مش واكلينه انتم ناكله انا اكيد ايسمن بالك يعطي نتيجه