بالنسبة لي أحسن ريجيم يمشي معي !هو تخفيف العشاء (فقط زبادي و سلطة وفاكهة والله يعينا واياكم (؛
بالنسبة لي أحسن ريجيم يمشي معي !هو تخفيف العشاء (فقط زبادي و سلطة وفاكهة والله يعينا واياكم (؛
و الله يا أختي الوزن الزائد هادا امسببلي عقدة
اني طويلة وكان جسمي رشيق لكن لما جبت مرتين على بعض ترهلت بطني و اكتر شي نكرهه الكرشة اخخخخ
توا ليا جايبة 4 شهور وبطني خشت شوي لكن مازالت مترهلة
حاولت اندير رجيم لكن ماقدرتش ههههه
على كل حال اني مانقدرش انشارك لاني ماندخلش بانتضام لكن لو المكان مناسب اتمنى اللي عندها تجربة مع ترهل البطن بعد الولادة تفيدني
ومشكورة اختي عالموضوع و احلى تقييم لعيونك
بسم الله الرحمن الرحيم
السلام عليكم ورحمة الله وبركاته
حتى اني سمينة ونبي نبدا معاكم اعييت من السمن وتوا وزني 87,5وانشاء الله وبعونه تعالى نبي انولي 70 باذن الله
وانشاء الله تتقبلوني معاكم
بالسليمه
السلام عليكم
كل سنة وانتم طيبين
يا اوخياتي كان تعرفوا وزني اظني اتسيخوا والمشكلة كل ما نبدا في حمية ايجيني هبوط كيف نتصرف وااااااااااااك كل ما تفكر لهالشي نضايق
هههههههههههه وطبعا كل ما نتضايق بنمشي انهمرش حاجة
السلام عليكم ورحمة الله وبركاته
مساء الخير لكل الحلوات
أختي فضاوي هدا موضوع يشجع الوحده تهتم بجسمها
وصدقيني مشتاقه نكون رشيقه موت لكن ولى عندي هدا الشي صعب من كتر ما جربت مش مستحيل بس هدف مر وصعب وقاعده نتحدى ونجرب
وراهو انا مش سمينه تشوفيني تقولي جسمك عادي بس عندي زيادات ونتمنى وزني ينزل اكتر بس الوزن يركب بسرعه وينزل بشياط الريق
وتقريبا كنت مشتركه قبل سنه في هدا الموضوع
عموما عندي ريجيم اخدته من خبير اعشاب اردني وهو يؤتر على كيمياء الجسم فيجعل الجسم يقل من 4 الى 6 كيلو حسب البنيه والخ وهو لمدة اسبوع وهو
اليوم الاول فاكهه اي نوع واي كميه
اليوم التاني خضار اي كميه
التالت فاكهه وخضار اي كميه
الرابع موز وروب اي كميه
الخامي روب وارز مسلوق اي كميه
السادس والسابع مشاوي اي كميه
جربته انا نزلت عليه منعرفش كم بس بان عليا وانا وزني قبله كان 68 بس توا منعرفش وطولي متر و56 المهم انا ولدي عمره 3 شهور وشويه ونرضع مقدرتش نستمر وصلت في اليوم السادس وقريب متت ووجعني ولدي مايلقاش في حليب هلبا والحق الحق معندناش لحم للشوا هههههههههه فمن كتر حرماني
فطرت دجاجه محمره اليوم السادس وهيه كانت راس مالي
وتمت بعدها للساعه تقريبا السته مساء حسيت باني ارتحت من الطانطه متع البلوك اللي في بطني وخديت برتقال وماتميتش اليوم السابع
عموما جربوه
بس نصيحه لكل اخت
لو ضرفك يسمح المشي كويس وغيري كل اسبوع ريجيم هكي تخفي اكتر لان تكرار الريجيم خطأ
أسفه اطلت علي حبيباتي
تحياتي واتمنى نصايح منكم نبي نولي رشيقه
والمصيبه بطني مش ممسوحه كيف الحل قولولي الله يجازيها خير اللي تعطيني حل والله لأدعيلها بسجودي
من احب الله راى كل شيء جميل.
السلام عليكم
ياريت يابنات نبدووووووو في تجمع 2012
عليكم السلام ام لينه
ان شاء الله تبدوا تجمع 2012 واني اول وحدة معاكم
بنحرق العظام عي قولة جداي هههههههههههههه
ياريت نبدوووووووووووووووووووووووو
دريم أنا وأنتي وباقي الأخوات
يلى بينا نبدأ 2012
لا إله إلا انت سبحانك اني كنت من الظالميين
ومن يتق الله يجعل له مخرجا ويرزقه من حيث لايحتسب
الذين يشاهدون الموضوع الآن: 1 (0 من الأعضاء و 1 زائر)
المفضلات